Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 31 ngondo wa 12 wa 2012. Mbakumbaje kabidi matuku a ngondo a lumingu luvuabu bakonkonone bualu buonso bua wewe kuenza makebulula lumingu luonso paudi udilongolola bua kalasa.

1. Mmunyi muakakumbana tshikavuabu balaye mu Yoele 2:1-10, 28 bua tshiyole tshia mpasu? [5/11, w07 1/10 dib. 13 tshik. 1]

2. Mêyi adi mu Amosa 8:11 adi akumbanyina banganyi? Bu mutudi ne biakudia bia bungi lelu, tudi ne bua kudiela lukonko kayi? [12/11, jd-F dib. 60 tshik. 9]

3. Tshivua mua kuikala tshifikishe bena Edome ku dikala ne mutshima wa lutambishi ntshinyi? Mbualu kayi butudi katuyi ne bua kupua muoyo? (Oba. 3, 4) [19/11, w07 1/11 dib. 14 tshik. 1]

4. Mmu ngumvuilu kayi muvua Yehowa mukudimune mutshima bua muanda mukole uvuaye mulaye bua kuenzela bena mu Ninewe? (Yona 3:8, 10) [19/11, w07 1/11 dib. 15 tshik. 2]

5. Kuenda mu dîna dia Nzambi kudi kukolesha bulunda buetu nende mushindu kayi? (Mika 4:5) [26/11, jd-F dib. 88 tshik. 12]

6. Dikumbana dia mulayi udi mu Nahuma 2:6-10 didi ditupesha dishindika kayi? [3/12, w07 15/11 dib. 9 tshik. 2; w88-F 15/2 dib. 28 tshik. 7]

7. Hagai 1:6 udi umvuija tshinyi? Ndilongesha kayi ditudi tupeta? [10/12, w06 15/4 dib. 22 tshik. 12-15]

8. Zekâya 7:10 udi wamba ne: ‘Muntu kapangadiji bualu mu mutshima wende bua kuenzela muanabu bibi.’ Leja mutudi mua kutumikila mubelu muimpe eu. [17/12, jd-F dib. 113 tshik. 6; w07 1/12 dib. 11 tshik. 2]

9. Bua tshinyi mêyi adi mu Zekâya 4:6, 7 adi akolesha batendeledi ba Yehowa lelu? [17/12, w07 1/12 dib. 10 tshik. 7]

10. Bilondeshile Malaki 3:16, bua tshinyi katuena ne bua kutekesha nansha kakese dipangadika dietu dia kushala balamate Nzambi? [31/12, w07 15/12 dib. 29 tshik. 3]