Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga Bible ne bantu: Disambombo dia kumpala dia ngondo 2

“Bantu ba bungi batu bitaba ne: Diabolo ke udi wenzeja malu mabi onso adi pa buloba. Kadi batu badiebeja ne: ‘Diabolo mmufumine kuepi? Nzambi ke udi mumufuke anyi?’ Kadi wewe udi wela meji kayi? [Lekela muntu andamune.] Tangila tshidi mukanda eu wamba.” Umupeshe Tshibumba tshia Nsentedi tshia dia 1/2. Umuleje tshiena-bualu tshidi mu dibeji dia ndekelu. Balayi nende malu adi mu ka mutu ka bualu ka kumpala. Ubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/2

“Tudi basue kumanya muutu pebe wela meji bua muntu udibu banemeka bikole kudi bena Kristo, bena Yuda ne bamizilman. Muntu au m’Mose. Mbualu kayi bua kumpala budi bukuluila mu mutu pautu umvua batela dîna diende? [Lekela muntu andamune.] Mushindu udi Bible umvuija muvua Mose udi usankisha bikole nansha muvuaye muenze bimue bilema. [Bala Dutelonome 34:10-12.] Mukanda eu udi uleja ngikadilu isatu ya ku ngikadilu mimpe ya Mose ne mutudi mua kumuidikija.”

Réveillez-vous! Ngondo 2

“Lelu bantu batu baya bua kusomba mu matunga makuabu bakeba nsombelu muimpe. Udiku wela meji ne: batu anu bapeta nsombelu udibu bakeba au anyi? [Lekela muntu andamune.] Kuya bua kusombela miaba mikuabu ki nkutuadije lelu to. Tangila tshilejilu tshidi mu mukanda wa kumpala wa mu Bible etshi. [Bala Genese 46:5, 6.] Mukanda eu udi ufila mandamuna a nkonko eyi.” Leja muntu nkonko idi ku ndekelu kua dibeji 6.