Mua kutuadija kulonga ne bantu mu Disambombo dia kumpala dia ngondo 2

“Bantu batudi tuyukila nabu badi ne mmuenenu mishilangane bua Bible. Bamue badi bamba ne: n’Dîyi dia Nzambi, bakuabu eku ne: mmukanda wetu wa tshianana eu. Kadi wewe udi wela meji kayi?” Lekela muntu andamune. Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/2. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/2

“Bantu ba bungi mbasue bua mvita ijike. Udi wela meji ne: kusombela pa buloba ebu mu ditalala, mbualu budi mua kuenzeka anyi? [Lekela muntu andamune.] Tangila tshidi Bible ulaya. [Bala Musambu wa 46:9.] Malu avua menzeke mu Mvita ya kumpala ya buloba bujima ne pashishe adi atujadikila ne: matuku makese kumpala eku, Nzambi neakumbaje mulayi wende eu ne neajikije mvita bua kashidi. Mukanda eu udi umvuija malu aa.”

Réveillez-vous! Ngondo 2

“Tudi tuenda tuyukila ne bantu mu minite mikese bua bualu budi butangila bantu bonso. Bidi bimueneka ne: bantu kabena ne dîba dikumbane dia kuenza malu abu onso to. Udiku wela meji ne: tudi bapangile dîba bualu tudi ne bia bungi bia kuenza peshi bualu tudi bajimije dîba dietu dia bungi anyi? [Lekela muntu andamune.] Bantu ba bungi ki mbamanye ne: Bible udi ufila mibelu mimpe idi ituambuluisha bua kubenga kujimija dîba. Tshilejilu. [Bala Filipoyi 1:10a.] Mukanda eu udi uleja amue malu akadi mambuluishe bantu ba bungi bua kuenzabu mudimu ne dîba diabu bimpe menemene.”