Mua kutuadija kulonga ne bantu mu Disambombo dia kumpala dia ngondo wa 12

“Tudi tuenda tuenza mudimu wa kuambuluisha bena mu mêku. Baledi ba bungi batu basue bua bana babu banange Nzambi. Buebe wewe, baledi ke badi ne bua kulongesha bana babu bua kunanga Nzambi anyi bana nkayabu ke badi ne bua kulonga bua kumunanga?” Lekela muntu andamune. Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/12. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/12

“Tudi tuenda tutangila bantu bua kuyukila nabu tshilumbu tshidi tshitangila Nzambi mu minite mikese. Tudi bamanye ne: muntu yonso utu ne muende mudiye umona Nzambi. Buebe wewe bantu ba bungi batu bamumona bu bukole kampanda budi kabuyi bumueneka anyi batu bamumona bu mulunda wabu udi ubatabalela? [Lekela muntu andamune.] Mvese eu udi utuambila malanda adi Nzambi musue bua tuetu kudia nende. [Bala Yakobo 4:8a.] Mukanda eu udi uleja malu asatu atudi ne bua kuenza bua kudiumvua pabuipi ne Nzambi.”

Réveillez-vous! Ngondo wa 12

“Tudi tuenda tutangila bantu mu minite mikese bua lutatu ludibu nalu lua makanda a mubidi. Bilondeshile bulongolodi bua makanda a mubidi bua pa buloba bujima (OMS), muntu umue pa banayi neapete disama dia mutu bu mudi edi didi difumina ku tunyinganyinga tukole umue musangu. Buebe wewe, masama a mutu adi enda akuata bantu ba bungi anyi? [Lekela muntu andamune.] Bible udi utupesha ditekemena dia ne: masama onso neajike pa buloba. [Bala Buakabuluibua 21:3, 4.] Mukanda eu udi uleja amue malu adi muntu yonso mua kumanya bua masama a mutu.”