Diambulula dia mu Kalasa ka Mudimu wa Nzambi
Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 31 ngondo wa 8 wa 2015.
Mmalu kayi adi akolesha ditabuja dietu kudi Yehowa Nzambi atudi tupeta mu disambila dia Solomo? Mmushindu kayi udi kuelangana meji pa malu aa kutuambuluisha? (1 Bak. 8:22-24, 28) [6/7, w05 1/7 dib. 30 tshik. 3]
Mmunyi mudi tshilejilu tshia Davidi tshia kuenda “mu buakane bua mutshima” tshitusaka bua kuenza petu nanku? (1 Bak. 9:4) [13/7, w12 15/11 dib. 7 tshik. 18-19]
Ndilongesha kayi dinene ditudi tupeta mu muyuki wa muvua Yehowa mutume Eliya kudi mukaji mukamba wa Salefata? (1 Bak. 17:8-14) [27/7, w14 15/2 dib. 14]
Mmunyi mudi kuelangana meji pa muyuki udi mu 1 Bakelenge 17:10-16 kukolesha dipangadika dietu dia kueyemena Yehowa ne muoyo mujima? [27/7, w14 15/2 dib. 13-15]
Mmunyi muvua tshilejilu tshia muvua Eliya mutantamene nsombelu mukole tshituambuluisha? (1 Bak. 19:4) [3/8, ia dib. 102-103 tshik. 10-12; w14 15/3 dib. 15 tshik. 15-16]
Ntshinyi tshiakenza Yehowa pakamonaye ne: Eliya muprofete wende wa lulamatu uvua ne kanyinganyinga? Mmunyi mutudi mua kuidikija Nzambi wetu wa dinanga? (1 Bak. 19:7, 8) [3/8, w14 15/6 dib. 27 tshik. 15-16]
Mmuenenu kayi mubi uvua nende Mukalenge Ahaba? Mmunyi mudi bena Kristo lelu mua kuepuka tshilema tshia mushindu eu? [10/8, lv dib. 164-165, kazubu; w14 1/2 dib. 14 tshik. 3-4]
Tshivua Elisha mulombe Eliya tshidi tshitulongesha tshinyi? Mmunyi mudibi mua kutuambuluisha padibu batupesha mudimu kampanda mupiamupia mu mudimu wa Bukalenge? (2 Bak. 2:9, 10) [17/8, w03 1/11 dib. 31 tshik. 5-6]
Mmunyi mudi bansonga mua kuidikija ditabuja ne dikima bia muana wa bakaji mukese muena Isalele udibu batele mu 2 Bakelenge 5:1-3? [24/8, w12 15/2 dib. 12-13 tshik. 11]
Nngikadilu kayi ya Yehu idi basadidi ba Yehowa bonso ne bua kuidikija mu matuku a ku nshikidilu aa? (2 Bak. 10:16) [31/8, w11 15/11 dib. 5 tshik. 4]