DIFILA KU MUDIMU WA BUAMBI | VUDIJA DISANKA DIEBE DIA KUYISHA
Lenga muoyo wa muntu
Kutumikila Nzambi mbualu budi bumbukila mu muoyo. (Nsu 3:1) Ke bualu kayi patudi tulongesha bantu, tudi ne bua kudienzeja bua kulenga muoyo wabu. Mushindu kayi?
Udi wenza bimpe paudi ulongesha mulongi webe malu malelela a mu Bible, kadi mbimpe kumuambuluisha kabidi bua amone mudiwu amuambuluisha bua kuakaja nsombelu wende ne malanda ne Yehowa. Umuambuluishe kabidi bua amone mudi mikenji ya mu Bible ileja mudi Nzambi ne dinanga, buimpe, ne buakane. Umuele nkonko ne dîyi dimpe bua akule mudilekelele uleja mudiye umvua bua bidiye ulonga. Umuambuluishe bua ele meji a masanka adiye mua kupeta yeye mulekele mmuenenu wa malu mubi anyi tshikadilu kampanda tshibi tshidiye mua kuikala natshi. Paudi umona mudi mulongi munange Yehowa ne muoyo mujima, disanka diebe didi divula.
NUTANGILE FILME WA AKAJA NYISHILU WEBE, UPETE DISANKA DIA KUVUIJA BANTU BAYIDI: LENGA MIOYO YA BANTU, PASHISHE NUANDAMUNE NKONKO EYI:
Bua tshinyi Neeta uvua muebeje Jade ne: “Uvuaku muele meji bua malu atuvua bayukile mu Dimue anyi?”
Mmushindu kayi uvua Neeta muambuluishe Jade bua kumona ne: mikenji idi mu Bible idi ileja mudi Yehowa mumunange?
Tuetu tulenga muoyo wa mulongi wa Bible, neatungunuke ne kusemena pabuipi menemene ne Yehowa
Mmushindu kayi uvua Neeta muambuluishe Jade bua ele meji a mudiye pende mua kuleja ne: mmunange Nzambi?