Longesha balongi ba Bible bua bikale badidiisha mu nyuma

Bua balongi ba Bible kumanya Yehowa ne kulua bena Kristo bashindame, badi ne bua kumanya malongesha makuabu malelela pakumbusha atudi tubalongesha. (Mat 5:3; Eb 5:12–6:2) Badi ne bua kulonga kabidi mua kudidiisha mu nyuma.

Anu panutshidi nubangilaku apu, leja balongi bebe ba Bible mua kulongolola dilonga, ubakankamije bua bikale benza nanku. (mwb18.03 6) Ubakankamije kabidi bua bikale basambila dîba dionso didibu bakeba kudilongela. Ubaleje mua kubuela mu biamu bidibu mua kudilongela nabi. Ubumvuije mua kupeta malu mapiamapia adi mu jw.org ne ku TV wa JW^®. Ubalongeshe ku kakese ku kakese mua kubala Bible dituku dionso, mua kulongolola bisangilu bia tshisumbu, ne mua kukeba mandamuna a nkonko yabu. Ubambuluishe bua belangane meji a bidibu balonga.

NUTANGILE FILME WA AMBULUISHA BALONGI BEBE BA BIBLE BUA BIKALE BADIDIISHA MU NYUMA, PASHISHE NUANDAMUNE NKONKO EYI:

• 

  Mmunyi muvua Neeta muambuluishe Jade bua kumona ne: kulonga kakuena kumvuija kumanya mandamuna patupu to?

• 

  Ntshinyi tshivua tshijadikile Jade ne: Yehowa udi ne bukenji bua kukandika malu a masandi?

• 

  Ntshinyi tshivua Jade mufike ku dijingulula bua dielangana meji?