Mayele A Mua Kudilongela

Ubange ne malu adi ne mushinga wa bungi

Tuetu bonso katutu ne dîba dia bungi dia kudilongela to. Ntshinyi tshitudi mua kuenza bua kukuata mudimu ne dîba adi bimpe menemene? Tshia kumpala, ikala ne dîba dikumbane dia kubala. Wewe ulonga malu makese mu lutulu, kuyi ubala a bungi lubilu lubilu, nebikuambuluishe.

Tshibidi, umanye malu adi ne mushinga wa bungi. (Ef. 5:15, 16) Mona imue ngenyi idi mua kukuambuluisha:

• Bala Bible dituku dionso. (Mis. 1:2) Programe wetu wa dibala dia Bible lumingu luonso wa tshisangilu tshia munkatshi mua lumingu mmushindu muimpe wa kutuadija dibala dia Bible.

• Longolola dilonga dia Tshibumba tshia Nsentedi ne tshisangilu tshia munkatshi mua lumingu. Ikala mudilongolole bua kuandamuna.​—Mis. 22:22.

• Paudi upeta dîba, ubale kabidi bintu bikuabu anyi ubitangile, bu mudi bibejibeji bia bantu bonso, filme, ne bikuabu bidibu bapatula mu jw.org.

• Longa biena-bualu bidi bikusankisha. Udi mua kuenza makebulula bua lutatu kampanda luudi nalu, bua lukonko luudi udiela, anyi bua bualu kampanda bua mu Bible buudi musue kumvua bimpe. Bua kumanya mutubu benza, tangila muaba udibu bafunde ne: “Midimu ya mu dilonga dia Bible,” mu jw.org.