Mua kunanukila padibu batuenzela malu mabi

Bala Genese 37:23-28; 39:17-23 bua kupeta malongesha a muvua Jozefe munanukile mu malu mabi avuabu bamuenzele.

Bala mvese mikuabu idi yakula bua bualu abu. Bavua benzele Jozefe malu mabi bua tshinyi? (Gen. 37:3-11; 39:1, 6-10) Bavua bamuenzelawu munkatshi mua tshikondo bule kayi? (Gen. 37:2; 41:46) Mu tshikondo atshi, ntshinyi tshivua Yehowa mumuenzele? Ntshinyi tshivuaye kayi mumuenzele?—Gen. 39:2, 21; w23.01 17 §13.

Buela mu buondoke. Nansha muvua mukaji wa Potifâ mushiminyine Jozefe malu, Bible kena uleja ne: Jozefe uvua mudibingishe wamba muvua mukaji au mumushiminyine malu to. Mmunyi mudi mvese idi ilonda eyi ituambuluisha bua kumanya tshivua mua kuikala tshisake Jozefe bua kushala mupuwe anyi bua kumanya bua tshinyi katuena mua kukeba bua Bible atuambile kaalu ne kaalu konso ka tshivua tshienzeke? (Nsu. 20:2; Yone 21:25; Bien. 21:37) Nngikadilu kayi ivua mua kuikala miambuluishe Jozefe bua kunanukila mu malu mabi avuabu bamuenzela?—Mika 7:7; Luka 14:11; Yak. 1:2, 3.

Keba malongesha. Diebeja ne:

• ‘Mmalu mabi kayi adibu mua kungenzela bu mundi muyidi mulelela wa Kristo?’ (Luka 21:12, 16, 17; Eb. 10:33, 34)

• ‘Ntshinyi tshindi mua kuenza ku mpindieu bua kunanukila mu malu mabi angenzelabu?’ (Mis. 62:7, 8; 105:17-19; w19.07 2-7)