Zola bimfuanyi bua uvuluke malu audi ulonga

Bidi pamuapa mua kutukolela bua kuvuluka malu atudi balonge. Kadi bitu bipepele bua kuvuluka malu a bungi avua Yezu mulongeshe bualu uvua utamba kualongesha ne bilejilu. Wewe udifuanyikijila malu au mu lungenyi, bidi bikuambuluisha bua kuavuluka. Bia muomumue, udi mua kuvuluka malu a bungi audi ulonga wewe udifuanyikijilawu mu lungenyi. Mona tshiudi mua kuenza bua kuavuluka: Ikala uzola bimfuanyi paudi ulonga.

Bantu batu bazola bimfuanyi bia malu mapiamiapa adibu balonga, batu baavuluka bipepele. Kubizola kutu kubambuluisha bua kumvua bimpe mêyi adi bantu bambe ne ngenyi minene idi mu bidibu balonga. Kabatu bazola bimfuanyi bidi bikole bua kubiumvua to. Kudi malu adi aleja ne: bantu bakulakaje bobu bazola pabu bimfuanyi bia malu adibu balonga, nebitambe kubambuluisha bua kuavuluka.

Musangu uwadilongela au, udi mua kuzola bimfuanyi bia malu audi ulonga. Pamuapa nebikukemeshe bikole bua bungi bua malu awavuluke!