Mua kuvuluka mvese

Bikadiku bikufikile bua kupanga kuvuluka mvese kampanda uutu munange anyi? Pamuapa mvese utu ukukolesha, ukuambuluisha bua kumbusha ngenyi mibi anyi uutu musue kukankamija nende muntu. (Mis. 119:11, 111) Mona imue ngenyi idi mua kukuambuluisha bua kuvuluka mvese.

• Enza mudimu ne JW Library^®. Wewe ubadila Bible mu JW Library, ne musue kuvuluka mvese kampanda, udi mua kutekapu kamanyinu bua ulue kumupeta bipepele.

• Lamika dibeji didi ne mvese muaba mutoke. Wewe musue kumuvuluka, mufunda pa dibeji, pashishe udilamike muaba uudi mua kuikala umumona bipepele. Bamue batu badilamika ku lumuenu lua ku ditangila; bakuabu nansha ku tshiibi tshia frigo. Banga pabu batu bakuata mvese au foto, bamuteka, ushala wa mu lumuenu lua mu telephone anyi lua mu ordinanatere wabu.

• Kosa tubeji tukese tukese. Funda mvese mu luseke lumue, mu lukuabu, funda mêyi ende. Pashishe enza nunku: Tangila mvese uudi mufunde au, utete mpindieu bua kuvuluka mêyi ende, anyi tangila mêyi a mvese au, pashishe utete kuvuluka muaba udiyi mu Bible.