Ambila bakuabu malu audi mulonge

Kudilongela Bible kudi mua kukukolesha. Kadi wewe wambila bakuabu mudi malu audi mulonge makoleshe malanda ebe ne Yehowa, nebikukoleshe kabidi bikole menemene. Nsumuinu 11:25 udi wamba ne: Muntu “yonso udi ukolesha bakuabu neakoleshibue yeye muine.”

Tuetu tuambila bakuabu malu atudi balonge, netuavuluke bipepele ne netuwumvue bimpe menemene. Bu mutudi bamanye ne: malu au adi mua kubambuluisha, bidi bituenza disanka bua kubambilawu.​—Bien. 20:35.

Tetabi kuenza nunku: Mu lumingu ludi lulonda, keba mpunga wa kuambila bakuabu malu audi mulonge. Udi mua kuambila muena mu dîku dienu, muena mu tshisumbu tshienu, muena mudimu nebe, mulongi wenu, muena mutumba nebe, anyi muntu uwatuilangana nende mu buambi. Dienzeja bua kumuambila malu au mu mêyi adi umvuika bimpe ne mu mushindu mupepele.

Manya ne: Tshipatshila ntshia kubakankamija, ki ntshia kubaleja muudi ne dimanya to.​—1 Kol. 8:1.