Isaya
40 Kalunga kenu+ nambe ngwenyi: “Vendejekenu, vendejekenu vatu jami.”
2 “Hanjikenu naYelusalema nalikoji,*
Mwambulilenu ngwenu makumbi akuyandangila chenyi anakumu,
Ngwenu kuhenga chenyi vanamukonekelacho.+
Natambula fweto yakutamo* kuli Yehova hajishili jenyi josena.”+
3 Mutu ali nakutambakana mupambo ngwenyi:
“Wahisenu jila yaYehova.+
4 Vinema vyosena vavilundule,
Jipili jajinene najeji jajindende josena vajisalamise.
Vihela vyamilundu milundu vavisalamise,
Vihela vyamihanga mihanga vavishikunune vipwenga nge vyana.+
6 Ivwilila! Mutu ali nakwamba ngwenyi: “Vilika!”
Kaha mukwavo ngwenyi: “Vyuma muka nanguvilika?”
“Vatu vosena* vanapu nge mwila wautute.
Zangi yavo yakwilila yinapu nge jitemo jamuchipapa.+
7 Mwila wautute weji kumanga,
Jitemo nawa jeji kuzuzanga,+
Mwomwo veji kuvihwiminanga kuli Yehova.+
Chikupu vene vatu vanapu nge mwila wautute.
8 Mwila wautute weji kumanga,
Jitemo nawa jeji kuzuzanga,
Oloze mazu aKalunga ketu nawelilanga haya myaka yosena.”+
9 Ove pwevo uli nakuneha mujimbu wamwaza waZeyone,+
Kanduka kupili yayisuku.
Ove pwevo uli nakuneha mujimbu wamwaza waYelusalema,
Tambakana nalizu lyangolo.
Tambakana, kanda nawivwa womako.
Vilika kujinganda jaYuta ngwove: “Kalunga kenu+ yauno.”
10 Talenu! Mwata Wakulitulaho Yehova mwakeza nangolo,
Kaha livoko lyenyi nalikayula.+
Kalunga eji kuhananga fweto,
Kuli ikiye kukiko kweji kufumanga fweto.+
11 Mwakazakamanga* utanga wenyi nge muze eji kulinganga kafunga.+
Mwakakungulula vana vamikoko nalivoko lyenyi,
Kaha mwakavambachila hatulo yenyi.
Mwakatetekela kanawa mikoko vaze vali nakwamwisa vana vavo.+
12 Meya amukalungalwiji osena anahase kuta mulivoko lyeya?+
Iyaze apimaho lyehi melu nachikapa vanatanduula minwe?*
Iyaze akungululaho lyehi lukungu lwahamavu nakulupima muchesekelo?+
Iyaze apezalisaho lyehi jipili jajinene
Najeji jajindende hachipezaliso?
14 Uno Kalunga ahulishile iya mangana amulweze kunangakana?
Iyaze eji kumunangulanga mwaya chiyulo,
Chipwe kumulweza chinyingi?
Iyaze eji kumulwezanga mwaya kunangakana chamwenemwene?+
15 Talenu! Vaka-mafuchi vanapu nge limata lyameya lize linasotoka mumbekete,
Vanapu nge lukungu luli hachipezaliso.+
Talenu! Eji kupekumunanga matungu kwijiva nge lukungu.
16 Namitondo yamuLevanone yinakehe, kayeshi kuhasa kulingisa kakahya kakwatenga likako.
Tunyama vamuLevanone nawa vanakehe kuvahana kupwa wana wakulumba.
17 Vaka-mafuchi vosena avamona nge vyuma vize kavyatwamakoko.+
Eji kuvamonanga kwijiva nge vyuma vyamokomoko, vyaufwefwelekete.+
19 Chitotombwe eji kutenganga likombelo lyakuzuzulula,
Fuli eji kushilanga lize likombelo ulu+
Nakulifulila malenge apalata.
20 Mutu eji kusakulanga mutondo mangana auhane kupwa wana,+
Mutondo uze kaweshi kupolako.
Kaha himwatonda chitotombwe wakwipangweji
Mangana asonge likombelo lize kalyeshi kuhasa kuholokako.+
21 Uno kamwatachikijileko numba?
Uno kamwevwileko tahi?
Uno kavamilwezelecho kufuma kumaputukiloko nyi?
Uno kamwatachikijile mwalumbunukila chuma kana kufuma haze valile chihela chamavuko numba?+
22 Kuli Umwe uze atwama helu lyalitengulula lyamavu,+
Kaha vaze vatwama hamavu vanapu nge vambimba.
Eji kutanduulanga melu nge lihina lyalilelu,
Eji kuwatanduulanga nge mbalaka yakutwamamo.+
23 Eji kwinyisanga vilolo kupwa vamokomoko,
Eji kulingisanga vaka-kuyula vahamavu kupwa vyuma vyamokomoko.
24 Kavahasa kuvatumbako,
Kavahasa kuvakuvako,
Chishina chavo kachazamishile miji hamavuko,
Peho yinavahuhwila, kaha vanomu.
Yinavapekumuna nge visachi.+
25 Ou Wajila nambe ngwenyi, “Munahase kungufwanyisa kuli iya mangana ngulyeseke nenyi?
26 Andulenu meso enu mutale mwilu mumone.
Iyaze natenge vyuma vyosenevi?+
Shina Ou eji kutetekelanga liyongomena lyavatanganyika kweseka nakuvula chavo.
Eji kuvavulukanga vosena halijina halijina.+
Kaha hakuwana nge atwama nangolo jajinene jakukomwesa,+
Naumwe wauchi eji kulitulangaho.
27 Ove Yakova, ove Isalele, mwomwo ika uli nakwambila ngwove,
‘Yehova keshi nakumona jila yamiko,
Kalunga keshi nakulinga mwaya chiyulo kuli amiko’?+
28 Uno kamwatachikijileko numba? Kutala kamwevwileko tahi?
Yehova, ou atengele mavu apwa hiKalunga haya myaka yosena.+
Keshi kuzeyako, kaha nawa ngolo kajeshi kumukumako.+
30 Vanyike vamalunga navakazeya, kaha ngolo nawa najikavakuma,
Vakweze jamalunga navakahukana nakulimbuka,