Jisamu
א [Aleph]
119 Vawahilila vaze vazeneka chuma chakuvahanyina mulonga,*
Vaze veji kukavangizanga jishimbi jaYehova.+
2 Vawahilila vaze veji kulamanga mazu enyi akwanukisa,+
Vaze veji kumutondatondanga namichima yavo yosena.+
3 Kaveshi kulinga chuma chakuhengako.
Veji kutambukanga mujijila jenyi.+
4 Ove unahane lushimbi ngwove
Jindongi jove vajilamenga kanawa.+
6 Kaha kaveshi kungwivwisa sonyiko+
Omu nangunyingilila jishimbi jove josena.
7 Nangukwalisanga namuchima wakusungama
Omu nangulinangula mazu ove akuyula akwoloka.
8 Nangulamanga jindongi jove.
Kanda naunguseza uka wamiko.
ב [Beth]
10 Ngweji kukusakasakanga namuchima wami wosena.
Kanda naungwechelela nguseze jishimbi joveko.+
12 Vakwalisenga ove Yehova.
Ngunangule jindongi jove.
13 Mivumbo yami yeji kuvilikanga
Mazu akuyula unahanjika.
ג [Gimel]
17 Ngusolwele likoji ami ngamba yove,
Mangana nguyoyenga lika nakulinga mwaya mazu ove.+
18 Ngutonese mangana ngumone kanawa
Vyuma vyakukomwesa vyatwama mujishimbi jove.
19 Ngunapu ngumwiza mulifuchi.+
Kanda naunguswekela jishimbi joveko.
20 Ngweji* kufwilanga chikuma
Mazu ove akuyula lwola lwosena.
21 Weji kutenukilanga vaka-kazamuzamu,
Vatu vakwangula vaze vaseza jishimbi jove.+
22 Ngwande sonyi vanangwivwisanga hakunguhenda nakungusaula,
Mwomwo ngweji kulamanga mazu ove akwanukisa.
23 Numba nge vilolo vanangutwame punga nakungufulilila,
Ami ngamba yove ngweji kushinganyekanga* hajindongi jove.
ד [Daleth]
26 Ngwakulwezele jijila jami josena, kaha wangukumbulwile.
Ngunangule jindongi jove.+
28 Ngunanyingamanga mwomwo yachinyengo.
Ngujikijise kweseka namazu ove.
29 Ngufumise kuvilinga vyakutangisa,+
Ngwivwile uselewa hakungunangula jishimbi jove.
30 Ngunasakula kupwa navilinga vyakushishika.+
Ngwatachikiza ngwami mazu ove akuyula apwa akwoloka.
ה [He]
34 Nguhane kunangakana
Mangana ngukavangizenga jishimbi jove
Nakujilama namuchima wami wosena.
37 Talisa meso ami kweka mangana nguzeneke kutala vyuma vyamokomoko.+
Ngutambukise mujila yove mangana nguyoyenga lika.
39 Ngufumise sonyi yize yeji kungulingisanga ngwivwenga woma,
Mwomwo mazu ove akuyula apwa amwaza.+
40 Tala omu ngwafwila jindongi jove.
Ngulame kweseka nakwoloka chove.
ו [Waw]
42 Kaha nangukumbulula ou ali nakungutomba,
Mwomwo ngwafwelela mumazu ove.
43 Kanda naufumisa mazu amuchano osena mukanwa kamiko,
Mwomwo ngwafwelela* mumazu ove akuyula.
44 Nangulamanga lika jishimbi jove
Haya myaka namyaka.+
47 Ngwasaka jishimbi jove,
Ngwajizanga vene.+
ז [Zayin]
50 Akiko eji kunguvendejekanga muvihuli vyami,+
Mwomwo mazu ove anangulamenga.
53 Nguli nakwenya namatoto mwomwo yavaka-kuhuka
Vaze vaseza jishimbi jove.+
54 Jindongi jove jinapu myaso yami
Kweshokwo nguli nakutwama.*
55 Ove Yehova, ngweji kwanukanga lijina lyove naufuku,+
Mangana ngulamenga jishimbi jove.
56 Ngweji kulinganga vyuma kanevi
Mwomwo ngweji kulamanga jindongi jove.
ח [Heth]
59 Ngunakekesa jijila jami,
Mangana ngukavangize cheka mazu ove akwanukisa.+
60 Ngweji kwanguhwisanga, kangweshi kulangisa
Kulama jishimbi joveko.+
62 Ngweji kuhindukanga mukachi kaufuku nakukusakwilila+
Mwomwo yamazu ove akuyula akwoloka.
64 Ove Yehova, zangi yove yakwilila yazala hamavu hosena.+
Ngunangule jindongi jove.
ט [Teth]
65 Ove Yehova, unalingi mwamwaza kuli ami ngamba yove,
Nge kutesa namazu ove.
69 Vaka-kazamuzamu veji kutanjisanga vyuma vyamakuli hali ami,
Oloze ami ngweji kulamanga jindongi jove namuchima wami wosena.
י [Yod]
73 Mavoko ove akiko angutengele.
Nguhane kunangakana
Mangana ngulinangule jishimbi jove.+
75 Ove Yehova, ngwatachikiza ngwami mazu ove akuyula apwa akwoloka,+
Ngwami unangumwenesa vihuli mwomwo yakushishika chove.+
79 Vaze vakwivwa woma, vaze vatachikiza mazu ove akwanukisa
Vakinduluke kuli ami.
80 Nangukavangizanga jindongi jove namuchima wakuzeneka katenga,+
Mangana vazeneke kungwivwisa sonyi.+
כ [Kaph]
84 Makumbi angahi nanguvandaminanga ami ngamba yove?
Mwaka uka naukasopesa vaze vali nakunguyanjisa?+
85 Vaka-kazamuzamu, vaze veji kulikanganga kujishimbi jove
Veji kungufulilanga mena.
86 Jishimbi jove josena jatamo kujifwelela.
Vatu veji kunguyanjisanga chakuzeneka mulonga, ngocho ngukafwe.+
87 Hasalile hahandende kachi vangunongesele hamavu,
Oloze ami kangwasezele jindongi joveko.
88 Ngulame mwomwo yazangi yove yakwilila,
Mangana ngulamenga mazu ove akwanukisa aze unahanjika.
ל [Lamed]
91 Vyuma watenga kuvyatwama palanga nakulelo mwomwo yamazu ove akuyula,
Vyosena vyeji kukuzachilanga.
93 Kangweshi kukavulyama jindongi joveko,
Mwomwo unangulame najindongi kana.+
95 Vaka-kuhuka veji kunguvandaminanga vangunongese,
Oloze ami ngweji kunyingililanga mazu ove akwanukisa.
96 Ngunamono ngwami vyuma vyakukupuka mwosena vyosena vyatwama noho vyakumina,
Oloze jishimbi jove kajatwama noho jakuminako.*
מ [Mem]
98 Jishimbi jove jeji kungulingisanga ngupwenga namangana kuhambakana vaka-kole jami,+
Mwomwo ngwatwama najo haya myaka yosena.
99 Ngwanangakana chikuma kuhambakana vaka-kungunangula vosena,+
Mwomwo ngweji kushinganyekanga* hamazu ove akwanukisa.
100 Ngweji kulinganga vyuma mukunangakana kuhambakana vakulwane,
Mwomwo ngweji kulamanga jindongi jove.
101 Kangweshi kutambuka mujila yaupiko,+
Mangana ngulingenga mwaya mazu ove.
102 Kangweshi kuseza mazu ove akuyulako,
Mwomwo unangunangula.
104 Ngweji kulinganga vyuma mukunangakana mwomwo yajindongi jove.+
Shikaho ngwahungila jijila jamakuli josena.+
נ [Nun]
106 Ngunalishingi lushingo ngwami nangulamanga mazu ove akuyula akwoloka,
Kaha nangulutesamo.
111 Mazu ove akwanukisa apwa nge luheto* lwami haya myaka yosena,
Mwomwo eji kungwivwisanga kuwaha kumuchima.+
112 Ngunalikase* kwononoka jindongi jove
Lwola lwosena palanga nakusongo.
ס [Samekh]
115 Enu vaka-kulinga mwamupi, ngusosolokenu,+
Mangana ngulamenga jishimbi jaKalunga kami.
116 Ngukafwe kweseka nomu wangushikile*+
Mangana nguyoyenga lika.
Kanda naungulingisa ngutalilile tuhu chamokomokoko.+
118 Ove weji kukananga vosena vaze veji kusezanga jindongi jove,+
Mwomwo vapwa vaka-makuli, vaka-kutangisa.
119 Weji kumbilanga vaka-kuhuka vahamavu vosena kwijiva nge vizozo vyamokomoko.+
Shikaho ngwazangila mazu ove akwanukisa.
ע [Ayin]
121 Ngunalingi mwaya chiyulo, mwakwoloka.
Kanda naungwechelela mumavoko avaze vali nakungushinyinyikako.
122 Ngufwelelese ami ngamba yove ngwove naungukafwa.
Vaka-kazamuzamu kanda navanguyanjisako.
125 Ami ngungamba yove. Nguhane kunangakana+
Mangana ngutachikize mazu ove akwanukisa.
126 Ove Yehova, lwola lwove lwakuvazangamisa lunahete,+
Mwomwo vanahokola jishimbi jove.
127 Shikaho ngwazangila jishimbi jove
Kuhambakana ulu, ulu wakutomesa kanawa.+
128 Ngocho ngwamona jindongi* jakufuma kuli ove josena kupwa jakwoloka.+
Ngwahunga jijila jamakuli josena.+
פ [Pe]
129 Mazu ove akwanukisa apwa amwaza.
Shikaho ngweji* kuwalaminanga.
130 Mazu ove walumbununa eji kunehanga kumunyika,+
Eji kuhananga kunangakana kumutu wakuzeneka chinyingi.+
134 Ngupululule* kuvatu valuyanjisa,
Kaha nangulamanga jindongi jove.
135 Ngwivwile uselewa ami ngamba yove,+
Ngunangule jindongi jove.
136 Masoji eji kupwelumukanga kumeso ami
Mwomwo vatu kaveshi nakulama jishimbi joveko.+
צ [Tsade]
138 Mazu akwanukisa weji kuhananga apwa akwoloka,
Kaha atamo kuwafwelela.
139 Twima yili nakungulya,+
Mwomwo vaka-kole jami vanavulyama mazu ove.
143 Numba tuhu ngweji kumonanga luyando naukalu,
Oloze ngwazanga lika jishimbi jove.
144 Kwoloka chamazu ove akwanukisa chapwa chahaya myaka yosena.
Nguhane kunangakana+ mangana nguyoyenga lika.
ק [Qoph]
145 Ngweji kukusanyikanga namuchima wami wosena. Ove Yehova, ngukumbulule.
Nangulamanga jindongi jove.
146 Ngweji kukusanyikanga, ngocho ngulwile.
Nangulamanga mazu ove akwanukisa.
149 Ivwa lizu lyami mwomwo yazangi yove yakwilila.+
Ove Yehova, ngulame kweseka nachiyulo chove.
150 Vaze veji kulinganga vilinga vyakwivwisa sonyi* veji kupandamanga kuli ami.
Vatwama hahasuku najishimbi jove.
152 Ngwalinangwile kushikulu ngwami, mazu ove akwanukisa
Wawazamisa mangana apwengangako haya myaka yosena.+
ר [Resh]
153 Tala vihuli vyami, ngupululule,+
Mwomwo kangwavulyamine jishimbi joveko.
155 Ulwilo watwama hahasuku navaka-kuhuka,
Mwomwo kaveshi kutondatonda jindongi joveko.+
156 Ove Yehova, keke yove yapwa yayinene.+
Ngulame kweseka nachiyulo chove.
157 Vaka-kunguyanjisa navaka-kole jami vanavulu,+
Oloze kangwasezele mazu ove akwanukisako.
158 Ngweji kwivwanga unyengwe omu nangutala vaka-kumbembejeka,
Mwomwo kaveshi kulinga mwaya mazu oveko.+
159 Tala omu ngwazanga jindongi jove!
Ove Yehova, ngulame mwomwo yazangi yove yakwilila.+
160 Mazu ove osena apwa muchano,+
Mazu ove akuyula osena kuwatwama haya myaka yosena.
ש [Sin] chipwe [Shin]
161 Vilolo veji kunguyanjisanga+ chakuzeneka mulonga,
Oloze muchima wami weji kwivwanga woma mazu ove.+
162 Ngweji kuwahililanga hamazu ove+
Nge mutu uze nawane vyuma vyakupupa vyavivulu.
164 Ngweji kukwalisanga mapapa 7 halikumbi
Mwomwo yamazu ove akuyula akwoloka.
166 Ove Yehova, ngwatalilila vilinga vyove vyaulwilo,
Ngweji kulamanga jishimbi jove.
168 Ngweji kulamanga jindongi jove namazu ove akwanukisa,
Mwomwo ove unatachikiza vyuma vyosena ngweji kulinganga.+
ת [Taw]
170 Kulomba chami nangukulomba ungwivwile uselewa chihete kuli ove.
Ngulwile kweseka nalushiko lwove.*
171 Mivumbo yami yikwalisenga chikuma,+
Mwomwo weji kungunangulanga jindongi jove.
172 Lilimi lyami limbenga vyamazu ove,+
Mwomwo jishimbi jove josena japwa jakwoloka.
174 Ove Yehova, ngwatalilila ulwilo wove,
Ngwazanga jishimbi jove.+
175 Nguyoyenga lika mangana ngukwalisenga.+
Mazu ove akuyula angukafwenga.