14 Kufumahu, Mosi watemesheli antemesha kufuma kuKadeshi nakuya kudi mwanta wakuEdomi+ nakumuleja nindi: “Manakweyi Isarela+ nahoshi nindi, ‘Weluka chikupu kukala kwejima kutunahitimu.

17 Mwani twiiteji tuhiti mwituña deyi. Tukuhitila mwiha hela mwitempa danyivinyu wanyi, nawa hitukunwa menji amwishima didi dejimaku. Tukuhitila muMukwakwa waMwanta chakadi kubalumukila kuchidiilu hela kuchimunswa sampu tunahiti mwiluña deyi.’”+

21 Isarela watemesheli antemesha kudi Sihoni, mwanta wawaAmori, nakumwila nindi:+ 22 “Twiiteji tuhiti mwituña deyi. Tukusenuka munjila nakuya mwiha hela mwitempa danyivinyu wanyi. Hitukunwa menji amwishima didi dejimaku. Tukuhitila muMukwakwa waMwanta, sampu tunahiti mwiluña deyi.”+