15 Nawa kapristu wakanonahu manji+ nilogu yimu yamanji nakuyihuñunwina muchikasa chindi chachimunswa. 16 Kuhiñahu, kapristu wakatumpika munu windi wakuchidiilu mumanji adi muchikasa chindi chachimunswa nakusampula manji amakwawu mapampa 7 namunu windi kumesu aYehova. 17 Kufumahu, kapristu wakanonahu manji akashala muchikasa chindi nakuyilamba kwishina deetu dakuchidiilu danowu muntu wunakuditookesha nikwidimbanu dakuchikasa chindi chachidiilu nikwidimbanu dakumwendu windi wachidiilu hewulu damashi amulambu wamuloña. 18 Kapristu wakanona manji amakwawu akashala muchikasa chindi nakuyilamba hamutu wanowu muntu wunakuditookesha nawa kapristu wakabuta hanshidi yanowu muntu kumesu aYehova.+