31 “Nakapula ñinza kutachikila kuKaluñalwiji Kachinana kushika nikukaluñalwiji kawaFilisitinu nikufuma mwisaña nakushika kuKaloña;*+ muloña nakakwinka muchikasa cheyi antu ashakamaña mwituña nawa wakayitemuna kudi eyi.+ 32 Bayi wutiyañana chitiyañenu nawena hela nawanzambi jawuku.+ 33 Bayi akashakama mwituña deyiku, kulonda akabuli kukuletesha eyi kunvulumuna ami. Neyi wakakalakela anzambi jawu, chalala chumichi chakekala himuhetu kudi eyi.”+

3 Bayi wakasumbwañana nawuku. Bayi wakasumbwisha anyaneyi awambanda kudi anyanawu awamayalaku, nawa anyaneyi awamayala bayi akasumbula anyanawu awambandaku.+ 4 Muloña akenda kaletesha anyaneyi awamayala kuleka kumulondela Nzambi nakutachika kukalakela anzambi acheñi;+ kufumahu Yehova wakayizuwila nakuyijilumuna swayi-swayi.+

12 “Ilaña neyi mwakacheseka kufunta hanyima hela chanti nakukakela kuniyi nyuza yinashali+ nanenu nawa mudisumbwañena+ nikudikunda nayu, wena ninenu, 13 mwatela kwiluka nenu chakadi nikujina, Yehova Nzambi yenu hakatwalekahu kutemuna iyi nyuza kudi enuku.+ Yakekala muhetu, ikoña nawa yakekala neyi chikoti chinayetiwu kumbavu+ nawa neyi nyiña yinayilemekiwu mumesu, sampu anayijilumuni munidi ituña dadiwahi dinayinkiyi Yehova Nzambi yenu.

2 Ilaña enu, bayi mutiyañana chitiyañenu nawantu ashakamaña munodu ituñaku,+ nawa mwatela kuhumona tumeña+ twawu.’ Ilaña enu himunovwahili izu damiku.+ Muloñadi chimunakoñeli chumichi? 3 Dichaletesheli nihoshi cheñi nami, ‘Hinakayitemuna akafumi kudi enuku,+ nawa wena akekala muhetu kudi enu nawa akayikokola+ kulonda mwakadifukuleña kudi anzambi jawu.’”+