• Kuchinda 4:15
    Bayibolu yaNsona jaKaayi Kakaha

    • 15 “Aroni nianyanindi awamayala atela kumanishañahu dehi kubuta iluña dajila+ niyipwepu yejima yamwiluña dajila neyi aIsarela hiyakunyamuka nakuya. Kuhiñahu, anyana kaKohati awamayala akenzaña nakusenda oyu yuma,+ ilaña hiyatela kukwata kwiluña dajilaku, akenda kafwa.+ Iwu dimudimu wakwitenti dakubulakena wakazatañawu* anyana kaKohati awamayala.

  • Kuchinda 4:24-26
    Bayibolu yaNsona jaKaayi Kakaha

    • 24 Iwu diwu mudimu wukuzataña yisaka yawaGeshoni niyiteli yikusendañawu:+ 25 Akusendaña mahina akutabanaka,+ itenti dakubulakena, chakujikahu nichakujika nachu chakutuña nachitembi cheyobu* chidi hewulu dadu,+ ihina dakwaambula nachu* dakuwiñililu wakwitenti dakubulakena,+ 26 mahina akukudika akujika nachu mwakumina lubanza,+ ihina dakwaambula nachu* dakuwiñililu wakulubanza+ lwanyeñumuka tabanaka nikameña, nyonji yayu yakwitenti, yipwepu yayu yejima niyuma yejima yakuzatisha kumudimu wayu. Iwu diwu mudimu wukukalakalañawu.

  • Kuchinda 4:31-33
    Bayibolu yaNsona jaKaayi Kakaha

    • 31 Iyi diyi yiteli yikusendañawu+ kumudimu wahetenti dakubulakena: mafuremu akutabanaka,+ nkañalu yayu,+ yishimi yayu,+ mayanda ayu;+ 32 yishimi+ yakulubanza lwanyeñumuka, mayanda ayu,+ mpopu+ jayu jakwitenti ninyonji yayu yakwitenti hamu nayuma yayu yejima nimudimu wejima wakundama kuniyi yuma. Muyiteneña hejina-hejina hakuyinka yiteli yatela kusendawu. 33 Ichi dichikuzataña yisaka yawanyana kaMerari+ awamayala hetenti dakubulakena, akuyilombolaña kudi Itamari mwana kakapristu Aroni.”+