51 Yosefu watuumbili mwanindi wawedi nindi Manasi,*+ muloña wahosheli nindi, “Nzambi nanleñeli kuvulamena makabi ami ejima niantu amwitala datata yami ejima.” 52 Nawa mwanindi wamuchiyedi wamutuumbili nindi Efuremu,*+ muloña wahosheli nindi, “Nzambi nanyinki lusemu mwituña mwinnakabakeni.”+

20 Yosefu wavweli Manasi+ niEfuremu+ mwituña daEjipitu, awa anyana wayivweli naAsenati+ mwana kaPotifwera kapristu wakuOni.

17 Yosefu chamweniyi tata yindi natwalekihu kunañika chikasa chindi chachidiilu hamutu waEfuremu, watiyili kutama, dichi wesekeli kufumisha chikasa chatata yindi hamutu waEfuremu nakuchinañika hamutu waManasi. 18 Yosefu wamwilili tata yindi nindi: “Bayi omuku tata, muloña iwu diyi wedi.+ Shaku chikasa cheyi chachidiilu hamutu windi.” 19 Ilaña tata yindi watwalekelihu kukaana nakuhosha nindi: “Neluki mwanami, neluki. Niyena wakekala izaza dawantu nawa wakekala muza. Hela chochu, manakwindi wakansi wakamubadika nankashi+ nawa anyanindi akesekana* chikupu nanyuza.”+

18 “Izaza danyichidi yisatu damuchilombu chaEfuremu kwesekeja namazaza awu,* dikuteekelaña kukabadi kakumujika; Elishama+ mwana kaAmihudi diyi nlomboli wawanyana kaEfuremu awamayala. 19 Amashidika indi asonekeliwu adiña 40,500.+