11 “‘Dichi neyi hakutwesha kuleta tuteela tuyedi hela anyana katupompa* ayediku, watela kuleta chipimu chamwikumi chaifa*+ chawuña wawuwahi walembuluka kwikala mulambu windi wahanshidi yindi. Hatela kushaku manji hela manaña evumba dadiwahiku, muloña himulambu wahanshidi. 12 Iwu wuña wakawuleta kudi kapristu nawa kapristu wakanonahu mukonu* wumu kulonda wakekali mulambu wakwanukilaku nawa wakawocha kulonda wakakakumuki wishi hakameña hewulu damulambu waYehova wakwocha hakesi. Himulambu wahanshidi.

25 “Muleji Aroni nianyanindi awamayala neyi, ‘Ilu dilushimbi lwamulambu wahanshidi:+ Kwiluña dajahilañawu+ mulambu wakushita, dikwakajahilañawu nimulambu wahanshidi kumesu aYehova. Hichuma chajila chikupu. 26 Kapristu wakalambulaña owu mulambu wahanshidi, diyi wakawida.+ Wakawidiilaña mwiluña dajila, mulubanza lwetenti dakubulakena.+