16 Ayili kudi Balami nakumuleja nawu: “Awa diwu mazu anahoshiyi Balaki mwana kaZipori nindi, ‘Mwani bayi witeja chuma chidi chejima chikukañeshi kwinza kudi amiku, 17 muloña nukukulemesha nankashi nawa nukwila chuma chejima chiwukunleja neyi niili. Dichi mwani, inzaku wunshiñiliku awa antu.’”

10 Kuhiñahu, Balaki wamuhililili Balami nankashi. Balaki wasakilili mumakasa indi nakusupisha nawa wamwilili Balami nindi: “Nakutambikili kulonda wunshiñili ayilumbu jami,+ ilaña eyi wunayikiswili aka kapampa kasatu. 11 Dichi yaña kwenu chochichi. Nafwilaña kukulemesha nankashi,+ ilaña talaña, Yehova nakukañeshi kutambwila iku kulema.”