16 Muloña nahela* kudiseña,”+ dichinahoshiyi Yehova Nzambi yaIsarela, “nimuntu wadiñijaña mumadombu,”* dichinahoshiyi Yehova wamazaza. “Nawa hembenu yitoñojoka* yenu, nawa bayi mudikwatila makasuku.+

19 Hela chochu, chineli nfumwindi Yosefu wadiña waloña nawa hakeñeleña kumusawisha hamesu awantuku, wakeñeleña kumuseñela kumbadi.+

3 Nawa aFwarisi enjili kudi yena kulonda amweseki, dichi amwihwili nawu: “Komana nshimbi yeteja iyala kuseña ñodindi hamuloña wudi wejima?”+ 4 Yena wayakwili nindi: “Komana kanda mutañeñahu dehi nawu owu wayileñeli kufuma kukutachika, wayileñeli iyala nimumbandaku?+ 5 Nawa wahosheli nindi: ‘Hamuloña wachumichi, iyala wakashiya tata yindi nimama yindi nakukakela kudi ñodindi, nawa wejima wawu ayedi akekala mujimba wumu.’+ 6 Kulonda abuli kwikala ayedi, ilaña ekali mujimba wumu. Dichi, chuma chinabombiyi Nzambi, bayi muntu achaambulaku.”+ 7 Wena amwihwili nawu: “Hanu dinu, muloñadi Mosi chahosheleliyi nindi iyala wejima wukuhaña ñodindi amwinki mukanda wakumuseña nachu wunakumwekesha nawu namuseñi?”+ 8 Yena wayilejeli nindi: “Hamuloña wakuchinchika kwanyichima yenu, dichaletesheli Mosi ayiteji kuseña añodi jenu,+ ilaña dichichadiña wanyi kufuma kutachi.+