• Kuhituluka 4:6
    Bayibolu yaNsona jaKaayi Kakaha

    • 6 Mwatela kujihemba chikupu,+ muloña chumichi chakamwekesha kudi antu akatiya iji nshimbi jejima nawu mukweti maana+ nikashinshi+ nawa akahosha nawu, ‘Iwu muza weneni wudi nawantu akweti maana nikashinshi.’+

  • Yoshuwa 1:7, 8
    Bayibolu yaNsona jaKaayi Kakaha

    • 7 “Eyi kuminaku dakwikala wahamuka nawa kolaku mbe-e, nawa wulondeleña chikupu Nshimbi jejima jakulejeliwu kudi kambuñami Mosi. Bayi wusenuka nakuya kuchidiilu hela kuchimunswaku,+ kulonda wileña mwamaana kwejima kuwukuyaña.+ 8 Iwu mukanda waNshimbi bayi wufuma mukanwa keyiku,+ nawa watela kuwutañaña nezu damwishina* mwaana niwufuku, kulonda wulondeleña chikupu yuma yejima yasonekawu muniwu mukanda;+ neyi wila mwenimu, yuma yakakuwahila nawa wakelaña mwamaana.+

  • 1 Anyanta 2:3
    Bayibolu yaNsona jaKaayi Kakaha

    • 3 Watela kumwovwahila Yehova Nzambi yeyi nakwenda munjila jindi nikuhemba nshimbi jindi, kuleja kwindi, wunsompeshi windi niyanukishu yindi neyi chajisonekawu muNshimbi jaMosi.+ Neyi wila mwenimu yuma yejima yiwakelaña yakakuwahilaña* nikwejima kuwakayaña.

  • Isamu 103:17, 18
    Bayibolu yaNsona jaKaayi Kakaha

    • 17 Ilaña kukeña kwaYehova kwakashinshi kwahaya nyaaka nanyaaka*

      Kudi ana amutiyaña woma,+

      Nikuloña kwindi kudi anyana kawanyanawu,+

      18 Kudi ana ahembaña chitiyañenu chindi+

      Nikudi ana alondelaña nshimbi jindi chikupu.