14 Hela chochu, kambuña wumu wamulejelimu Abigayili ñoda Nabali nindi: “Tiyaña! Davidi watemesha antemesha kufuma mwisaña kulonda amwimushi nkaaka yetu, ilaña yena wayitukola.+ 15 Awa amayala atwilili mwamuwahi. Hiyatukatishiliku, nawa hitwajimbeshelihu chuma hela chimu mpinji yejima yitwadiña nawu mwisañaku.+ 16 Adiña neyi mpwembu yakutukiña wufuku nimwaana, mpinji yejima yitwadiña nawu nakubiña mukanka wanyikoku.