20 Ankakulula jetu adifukwilileña hayinu mpidi, ilaña enu mwahoshaña nenu muYerusalema dimwatela kudifukwilawu antu.”+ 21 Yesu wamulejeli nindi: “Nkuhweleli eyi mumbanda, mpinji yinakwinza yimwakabula kudifukula kudi Tata hayinu mpidi hela muYerusalema. 22 Enu mwadifukulaña kuchuma chimwabula kwiluka;+ ilaña etu tweluka wutwadifukulañaku, muloña wamwinu watachikilili kudi aYudeya.+