• 2 Kushindulula 36:15, 16
    Bayibolu yaNsona jaKaayi Kakaha

    • 15 Yehova Nzambi yawankakulula jawu watwalekelihu kuyisoñamisha kuzatisha antemesha indi, wayisoñamishileña kakavulu, muloña wayitiyilili wushona antu jindi niiluña dindi mwakushakama. 16 Ilaña atwalekelihu kudiwula antemesha jaNzambi walala+ nawa adiwili mazu indi+ nikusupisha atuprofwetu indi,+ kushika nimpinji yenjili kuzuwa kwaYehova hadi antu jindi,+ nichashikiliwu hachipimu chakukañanya kuyuuka.

  • Isaya 42:24
    Bayibolu yaNsona jaKaayi Kakaha

    • 24 Hinyi wunamuhani Yakoba kulonda amubuwi

      Nawa wunahani Isarela kudi akakupuupa?

      Yehova diyi, Owu itwavulumwini.

      Wukweti njila yakaaniniwu kwendamu,

      Nawa wukweti nshimbi* jabulili kwovwahilawu.+

  • Yeremiya 40:2, 3
    Bayibolu yaNsona jaKaayi Kakaha

    • 2 Kufumahu, mukulumpi wawatulama wamusendeli Yeremiya nakumwila nindi: “Yehova Nzambi yeyi washimwineñahu dehi iyi yihuñu yinashikeni idi iluña, 3 nawa Yehova nayileti kwesekeja nachahosheliyi, muloña enu antu mwamuvulumwini Yehova nawa himwovwahilili izu dindiku. Dichinaleteshi yumiyi yiyimwekeni.+