Watchtower LAYIBULALI YAHAINTANETI

Watchtower LAYIBULALI YAHAINTANETI

LAYIBULALI YAHAINTANETI

Yishimu 14:16

Bayibolu yaNsona jaKaayi Kakaha
- 16 Muntu wamaana wasoñama nawa wafumaña kuyuma yatama,
  Ilaña chisupi wadihinda* nawa wasweja kudikuhwelela.

Yishimu 28:14

Bayibolu yaNsona jaKaayi Kakaha
- 14 Wudi namuzañalu yowu muntu wasoñama* mpinji yejima,
  Ilaña muntu wejima wakoleshaña muchima windi wakamona kukala.+

Isaya 30:1

Bayibolu yaNsona jaKaayi Kakaha
- 30 Yehova nahoshi nindi: “Oyihuñu yakamona anyana achinchika,+
  Elaña yuma yinnabuli kuyileja,+
  Atiyañanaña chitiyañenu, ilaña chakadi spiritu yami,
  Kulonda abombeli nshidi kunshidi.

Danyeli 5:18

Bayibolu yaNsona jaKaayi Kakaha
- 18 Hakwila eyi mwanta, Nzambi Mukakubadika Chikupu wamwinkeli Nebukaneza tata yeyi wanta, kulema, kalemesha niwukeleñi.+

Danyeli 5:20

Bayibolu yaNsona jaKaayi Kakaha
- 20 Ilaña muchima windi chiwadivwimbili nawa chachinchikiliyi nakwila yuma mukulusukila,+ amwalumwini hetanda dawanta windi nawa amutambwili kulema kwindi.

Zekariya 7:12

Bayibolu yaNsona jaKaayi Kakaha
- 12 Akolesheli nyichima yawu neyi dayimani*+ nawa hiyovwahilileña nshimbi* nimazu atemesheliyi Yehova wamazaza kuzatisha spiritu yindi kuhitila mudi atuprofwetu akunyimaku.+ Dichi Yehova wamazaza wahilili nankashi.”+

ARoma 2:5

Bayibolu yaNsona jaKaayi Kakaha
- 5 Ilaña hamuloña wakuchinchika kweyi nikubula kubalumuka mumuchima weyi, wunakudilumbikila eyi aweni kuzuwa kwaNzambi kwakamwekeshayi hefuku dawunsompeshi windi waloña.+