• Yishimu 23:29-35
    Bayibolu yaNsona jaKaayi Kakaha

    • 29 Hinyi wunakukabakana? Hinyi wunakwakama?

      Hinyi wudi nayikonkojola? Hinyi wudi nanyaabu?

      Hinyi wukweti yilonda hakadi muloña? Hinyi wunachinani* mesu?

      30 Ana ashimbulaña havinyu;+

      Ana akeñakeñaña* vinyu yakubombashana.

      31 Bayi wumona chinachinani vinyu

      Nichiyinakukejima mukaapu* nakuhita chiwahi hamudiwuku,

      32 Muloña hansa yachu yasumañanaña neyi kapela,

      Nawa yedishaña wulembi neyi kabandayuula

      33 Mesu eyi akumonaña yuma yawenyi,

      Nawa muchima weyi wukuhoshaña yuma yabula kushikilamu.+

      34 Nawa wukwikala neyi muntu wunakaami hakachi kakaluñalwiji,

      Neyi muntu wunakaami hewulu dambopolu haheni.

      35 Wukuhosha neyi: “Anañeti, ilaña kwosi jinatiya.*

      Anhumpula, ilaña neluka wanyi.

      Nukuhinduka mpinjinyi?+

      Inakukeña kunwa cheñi.”*