• Isaya 2:3, 4
    Bayibolu yaNsona jaKaayi Kakaha

    •  3 Nawa antu amavulu ashiyashana akaya nawa akahosha nawu:

      “Twayenu tukanduki kumpidi yaYehova,

      Kwitala daNzambi yaYakoba.+

      Yena wakatuleja njila jindi,

      Nawa tukenda munjila jindi.”+

      Muloña nshimbi* yakafuma muZiyona,

      Nawa izu daYehova dakafuma muYerusalema.+

       4 Wakasompa nyiloña hakachi kanyuza

      Nawa wakwolola nsañu yakundama antu amavulu.

      Mpoku jawu jatubali akajichila yitwa yakudima nachu

      Nawa mayoña awu akayichila yitwa yakukunkula nachu.+

      Muza hiwukanyamwina muza wukwawu mpoku yakabaliku,

      Nawa hiyakadiza cheñi njitaku.+

  • Isaya 11:6-9
    Bayibolu yaNsona jaKaayi Kakaha

    •  6 Kañwidi wakashakama hamu namwana kamukoku+ hakapinji kantesha,

      Nawa mwana kampembi wakakaama hamu nachisumpa,

      Nawa mwana kañombi, mutupa* nikanyama wanuna akadiila hamu;+

      Nawa akayilombola kudi mwana wanyanya.

       7 Ñombi wamukaji nibera akadiila hamu,

      Nawa anyanawu akakaama hamu.

      Mutupa wakada matahu oma neyi ñombi wachizamba.+

       8 Mwana wuchidi kwamwa wakahemenaña kuwina wakapela wafwana,*

      Nawa mwana wasumuka dehi wakasha chikasa chindi kuwina wakapela kawulembi.

       9 Kumpidi yami yajila yejima+

      Hiyakakatishanaña hela kujilumunaku,+

      Muloña iseki dejima dakenzala nakwiluka kwakumwiluka Yehova

      Neyi chabutaña menji hakaluñalwiji.+

  • Mika 4:2
    Bayibolu yaNsona jaKaayi Kakaha

    •  2 Nawa nyuza yayivulu yakaya nawa yakahosha nawu:

      “Twayenu tukanduki kumpidi yaYehova,

      Nikwitala daNzambi yaYakoba.+

      Yena wakatuleja njila jindi,

      Nawa tukenda munjila jindi.”

      Muloña nshimbi* yakafuma muZiyona,

      Nawa izu daYehova dakafuma muYerusalema.