• Yeremiya 50:29
    Bayibolu yaNsona jaKaayi Kakaha

    • 29 Mutambikilenu Babiloni akakwasa namata anyikunji,

      Ejima anakwevula* wuta wamukunji.+

      Mutuñilenu chilombu nakumunyeñumuka, bayi kwikala muntu wukutemukaku.

      Mufwetenu kwesekeja nanyidimu yindi.+

      Mukoñenu kwesekeja nachineliyi.+

      Muloña nadivwimbi naYehova,

      NaWajila waIsarela.+

  • Danyeli 5:22, 23
    Bayibolu yaNsona jaKaayi Kakaha

    • 22 “Ilaña eyi, mwanindi Beleshaza, wunazozeshi muchima weyi wanyi, hela chakwila weluka yuma yejimiyi. 23 Ilaña, wunadivwimbi naMwanta wamawulu,+ nawa wela neyi akuleteli yipwepu yamwitala dindi.+ Kuhiñahu, eyi niantu jeyi alema, antombu niantemena jeyi mwanwina vinyu muniyi yipwepu nawa mwashimeka anzambi asiliva niwuru, awuneñu, achikuñu, amutondu nielola, anzambi abulaña kumona, abulaña kutiya nawa abula kwiluka chuma hela chimu.+ Ilaña hiwunamulemeshi Nzambi wukweti muuya weyi+ ninjila jeyi muchikasa chindiku.