5 “Funtaku wumuleji Hezekiya, nlomboli yawantu jami neyi, ‘Yehova Nzambi yankakulula yeyi Davidi nahoshi nindi: “Ami natiyi kulomba kweyi. Namoni madilu eyi.+ Ichi inakukuuka.+ Hefuku damuchisatu wakakanduka nakuya kwitala daYehova.+

12 Hanoyu mpinji mwanta wakuBabiloni, Berodaki Baladani mwana kaBaladani, watemesheli nyikanda nichawaana kudi Hezekiya, muloña watiyili nawu Hezekiya wadiña wakata.+ 13 Hezekiya wayitambwilili* nawa wayilejeli itala dindi dejima mwahembeleleñayi maheta,+ dikwila nawu siliva, wuru, manji abalisamu nimanji amakwawu alema wuseya, yitwa yindi yanjita niyuma yejima yadiña muyisweku yindi yayuma yalema. Kwosi chuma nichimu chabulili kuyilejayi Hezekiya mwitala* dindi nimuwanta windi wejimaku.