• 2 Anyanta 25:8-10
    Bayibolu yaNsona jaKaayi Kakaha

    • 8 Mukakweji kamuchitanu, hefuku damu 7 dakakweji, dikwila nawu muchaaka chamu 19 chachiyuulu chaMwanta Nebukaneza mwanta wakuBabiloni, Nebuzaradani+ mukulumpi wawatulama, kambuña amwanta wakuBabiloni, wenjili kuYerusalema.+ 9 Wocheli itala daYehova,+ itala* damwanta+ nimatala ejima amuYerusalema;+ wocheli niitala deyala wejima walema.+ 10 Nawa mpwembu janyeñumukili Yerusalema ajihumwini kudi mashidika awaKalideya ejima owu adiña namukulumpi wawatulama.+

  • 2 Kushindulula 34:24, 25
    Bayibolu yaNsona jaKaayi Kakaha

    • 24 “Yehova nahoshi nindi, ‘Nakaleta kukala mudinu iluña nihadi antu ashakamañamu,+ mashiñu ejima asonekawu mumukanda+ wunatañiwu kumesu amwanta waYuda. 25 Chineli ananshiyi+ nawa anakwocha nyilambu yakukakumuka wishi kudi anzambi acheñi+ kulonda anzuwishi nanyidimu yejima yakumakasa awu, kuzuwa kwami kwakechikila hadinu iluña nawa hiyakakufwomonaku.’”+

  • 2 Kushindulula 36:16, 17
    Bayibolu yaNsona jaKaayi Kakaha

    • 16 Ilaña atwalekelihu kudiwula antemesha jaNzambi walala+ nawa adiwili mazu indi+ nikusupisha atuprofwetu indi,+ kushika nimpinji yenjili kuzuwa kwaYehova hadi antu jindi,+ nichashikiliwu hachipimu chakukañanya kuyuuka.

      17 Dichi wayileteleli mwanta wawaKalideya,+ nawa yena wajahili anyikwenzi jawu nampoku yakabali+ mwitala dawu dajila.+ Hatiyilili wushona mukwenzi hela mujiki,* kashinakaji hela wakataku.+ Nzambi wahanini yuma yejima muchikasa chindi.+

  • Mukeña 2:4
    Bayibolu yaNsona jaKaayi Kakaha

    •  4 Nevuli* wuta windi wamukunji* neyi chilumbu; chikasa chindi chachidiilu chinemani hamu neyi mukankunyi;+

      Watwalekelihu kujaha ejima alubanji kumesu etu.+

      Nawa wahuñunwini ndulu yindi neyi kesi+ mwitenti damwana kaZiyona wamumbanda.+