• Kuhituluka 4:19
    Bayibolu yaNsona jaKaayi Kakaha

    • 19 Chimwakafumbula mesu enu mumawulu nakumona itena, kakweji nitutumbwa, dikwila nawu yuma yejima yamumawulu, bayi akayidimba nakutachika kudibuka kuyumiyi hela kuyikalakelaku.+ Yehova Nzambi yenu nahani yumiyi kudi antu ejima ashakamaña mwishina damawulu ejima.

  • 2 Anyanta 21:3
    Bayibolu yaNsona jaKaayi Kakaha

    • 3 Watuñulwili yinañanaña yakisañeniyi+ tata yindi Hezekiya, wamutuñilili Bayali tumeña nawa watuñili chishimi chajila*+ neyi cheliliyi Ahabi mwanta waIsarela.+ Nawa wadibukileña kuyuma yejima yamumawulu nikuyikalakela.+

  • Yeremiya 19:13
    Bayibolu yaNsona jaKaayi Kakaha

    • 13 Nawa matala amuYerusalema nimatala awanyanta amuYuda akekala amajilu neyi adinu iluña daTofeti,+ eña, matala ejima akweti yisu hayilambwilileñawu yuma yejima yamumawulu nyilambu+ nawa hayihuñunwinineñawu anzambi acheñi nyilambu yavinyu.’”+

  • Ezekeli 8:16
    Bayibolu yaNsona jaKaayi Kakaha

    • 16 Dichi wanleteli mulubanza lwamukachi lwetala daYehova.+ Kuwiñililu wakutembeli yaYehova, haneli ikeeki dahawiñililu iku kameña iku, kwadiña amayala 25 afutaleleli kutembeli yaYehova nawa atalishilili chamesu kumusela. Adiña nakudibuka kwitena kumusela.+

  • Zefwaniya 1:4, 5
    Bayibolu yaNsona jaKaayi Kakaha

    •  4 “Nakolwela chikasa chami hadi Yuda

      Nihadi antu ejima ashakamaña muYerusalema.

      Nawa munidi iluña nakajiyisha kachibalu kejima kaBayali,+

      Ijina dawatupristu anzambi wakutwamba* hamu nawatupristu,+

       5 Ninowu adibukilaña hewulu damatala kuyuma yamumawulu,+

      Ninowu adibukaña nikukana nawu akwikala ashinshika kudi Yehova+

      Iku anakukana kwikala ashinshika kudi Malikami;+