15 Yehova Nzambi yawankakulula jawu watwalekelihu kuyisoñamisha kuzatisha antemesha indi, wayisoñamishileña kakavulu, muloña wayitiyilili wushona antu jindi niiluña dindi mwakushakama. 16 Ilaña atwalekelihu kudiwula antemesha jaNzambi walala+ nawa adiwili mazu indi+ nikusupisha atuprofwetu indi,+ kushika nimpinji yenjili kuzuwa kwaYehova hadi antu jindi,+ nichashikiliwu hachipimu chakukañanya kuyuuka.

33 Eyi wunamwekeshi kuloña muyuma yejima yinatumwekeni, muloña wunamwekeshi kashinshi; ilaña etu yetu tunakoñi mwatama.+

7 Eyi Yehova, kudi eyi kudi kuloña, ilaña kudi etu kudi nsonyi* neyi chichidi mwifuku dalelu, kudi antu amuYuda, antu ashakamaña muYerusalema niaIsarela ejima, adi mukamwihi niadi kwakulehi, mumatuña mwejima muwayipalañesheleli muloña hiyekalili ashinshika kudi eyiku.+

16 Eyi Yehova, kwesekeja nakuloña kweyi kwejima,+ mwani, fumishaku kuzuwa kweyi nikulendumuka kweyi hamusumba weyi waYerusalema, mpidi yeyi yajila. Yerusalema niantu jeyi anakuyiseha kudi antu ejima atunyeñumuka,+ muloña wanshidi jetu niyiluwa yawankakulula jetu.