8 “Dichi mwakafunta nawa mwakatiyilila kwizu daYehova nikuhemba nshimbi jindi jejima jinnakuyileja dalelu. 9 Yehova Nzambi yenu wakayihetesha chikupu munyidimu yenu yejima yamakasa enu,+ wakayivulishila anyana, yimuna nimbutu yamumaha enu, muloña Yehova wakatiya cheñi kuwaha kuyilisha enu kuhanda chiwahi neyi chatiyiliyi kuwaha nawankakulula jenu.+ 10 Muloña mwakatiyilila kwizu daYehova Nzambi yenu nikuhemba kuleja kwindi ninshimbi jindi jasonekawu muniwu mukanda waNshimbi, nawa mwakafunta kudi Yehova Nzambi yenu namuchima wenu wejima ninawumi* wenu wejima.+

39 Nawa nukuyinka muchima wumu+ ninjila yimu kulonda antiyeña woma mpinji yejima, kulonda yuma yakayiwahileña wena nianyanawu akavwalikaña hanyima yawu.+

27 Nakasha spiritu yami mudi enu, nakayendesha munshimbi jami,+ nawa mwakwovwahila nikulondela mazu ami awunsompeshi.