6 Hadiñayi Yesu muBetani mwitala daShimona mukambumba,+ 7 kudi yena kwenjili mumbanda wasendeli ibotolu daalabasita* mwadiña manji evumba dadiwahi nawa awuseya, dichi watachikili kumuhuñunwina Yesu manji kumutu iku nashakami nakuda.* 8 Atumbanji chamweniwu chumichi, azuwili nakuhosha nawu: “Ilu hilukisa! 9 Muloña awa manji adi kuyilandisha namali amavulu nakuyinka atuzweñi mali.” 10 Yesu chachitiyiliyi, wayilili nindi: “Munakumukabishiladi iwu mumbanda? Nankoñeli chuma chachiwahi.

3 Hadiileñayi* muBetani mwitala daShimona mukambumba, kwenjili mumbanda wasendeli ibotolu daalabasita* mwadiña manji evumba dadiwahi, naradi* yayeni, manji awuseya nankashi. Dichi washinkwili kwibotolu nakutachika kumuhuñunwina Yesu manji kumutu.+ 4 Atumbanji amakwawu chamweniwu chumichi, azuwili nakuhosha mulwawu nawu: “Muloñadi awa manji evumba dadiwahi chinakukisikilawu? 5 Muloña awa manji evumba dadiwahi adi kuyilandisha namadenari* akubadika ha 300 nakuyinka atuzweñi mali!” Dichi, iwu mumbanda amuhililili* nankashi. 6 Ilaña Yesu wahosheli nindi: “Mulekenu kwindi. Munakumukabishiladi iwu mumbanda? Nankoñeli chuma chachiwahi.+