17 Ovwahilenuña anakulombola mukachi kenu+ nawa yitiyililenuña,+ muloña wena anakuyihemba enu* nawa akalumbulula kudi Nzambi,+ kulonda eleña mwenimu namuzañalu bayi nakudishishimonaku, muloña chumichi chinateli kuyiletela enu kukala.

2 Biñenuña mukanka wanyikoku yaNzambi+ wunayikunjikiwu nawu muwuhembeña, chineli mudi akulumpi,* bayi mukalakaleña chakuyikanjikijaku, ilaña mukalakaleña namuchima wakudihana kudi Nzambi;+ bayi kufwila kuheta munjila yawupwapokiku,+ ilaña mukudikeñela chikupu; 3 bayi mwikala anyanta jawantu anekali answana jaNzambiku,+ ilaña ikalenuña akutalilahu kudi mukanka wanyikoku.+