Zekariya

Yehova diyi welishaña mavu anvula yeneni,

Diyi wanokeshelaña antu nvula,+

Nawa diyi wenkaña ejima yuma yamenaña hamaseki.

 2 Muloña yifwikija yawaterafi* yinahoshi mwamakudi;*

Nawa akakuhoña anamoni chimwenu chakutwamba.

Ashimunaña yilota yamukunkulwayi,

Nawa akundejaña mwamukunkulwayi.

 3 Atubiña nakayizuwila,

Nawa anlomboli* awukatu nakayibabesha;

Muloña Yehova wamazaza nabalumukili kudi mukanka windi,+ kudi amwitala daYuda,

Nawa nayibalumuni neyi kawalu kindi kalema kunjita.

 4 Kudi yena dikwafumaña ntwamina,*

Kudi yena dikwafumaña nyuuli wakwashanaña,*

Kudi yena dikwafumaña wuta wamukunji wanjita;

Kudi yena dikwafumaña kalama* wejima, wejima wawu hamu.

 5 Nawa akekala neyi ayilobu,

Akadatola malowa munyikwakwa kunjita.

Akazuña njita, muloña Yehova wudi nawena;+

Nawa akakwendela hatuwalu akayitiyisha nsonyi.+

 6 Nakelisha amwitala daYuda akekali abadika,

Nawa amwitala daYosefu nakayamwina.+

Nakayifuntisha,

Muloña nakayitiyila luwi;+

Nawa akekala neyi kwiji hinayihañiluhuku;+

Muloña yami Yehova Nzambi yawu, nawa nakayakula.

 7 Eni Efuremu atela kwikala neyi mushidika wañovu,

Nawa muchima wawu wakazañalala neyi kwiji anafumi nakunwa vinyu.+

Anyanawu akamona chumichi nawa akazañalala;

Muchima wawu wakazañalela mudi Yehova.+

 8 ‘Nakayitambika namuloji nikuyipompesha hamu;

Muloña nakayikuula,+ akekala amavulu,

Nawa akatwalekahu kuvula.

 9 Hela chakwila nayipalañesheli neyi mbutu mukachi kawantu,

Akañanuka kumaluña akwakulehi;

Wena nawanyanawu akekala cheñi nañovu nawa akafunta.

10 Nakayifuntisha kufuma kwituña daEjipitu

Nawa nakayipompesha kufuma kuAsiriya;+

Nakayileta kwituña daGiliyadi+ nidaLebanoni,

Nawa iluña dakayikehela.+

11 Wakahita hakaluñalwiji nayihuñu;

Nawa hakaluñalwiji waketa mankanda;+

Manyiñi ejima aNile akooma.

Kudivwimba kwaAsiriya akakumanisha,

Ninkuunyi yaEjipitu yakaya.+

12 Nakayibalumuna mudi Yehova akekali abadika,+

Nawa akendaña mwijina dindi,’+ dichinahoshiyi Yehova.”