Masamu

2 Muloñadi nyuza chiyinazuwili

Niantu chinakunyinyintilawu* chuma chamukunkulwayi?+

 2 Anyanta ahamaseki anadiloñeshi

Niayilolu anapompi hamu*+

Nakumwimakena Yehova niwindi wawayishewa.*+

 3 Ahoshaña nawu: “Twayenu tuketoli maleñi awu

Nikunata nyonji yawu!”

 4 Owu washakama hetanda mumawulu wakaseha;

Yehova wakayisupisha.

 5 Hanoyu mpinji wakahosha nawena mukuzuwa

Nawa wakayitiyisha woma nakuzuwa kwindi kwasweja,

 6 Nakuhosha nindi: “Ami aweni namuswanyiki mwanta wami+

HaZiyona,+ mpidi yami yajila.”

 7 Lekenu nishimuni chinahoshiyi Yehova;

Nanleji nindi: “Eyi wudi mwanami;+

Dalelu ami nekali tata yeyi.+

 8 Nlombi, nawa nukukwinka nyuza yiikali wuswana weyi

Niinsa jeseki jiikali iheta deyi.+

 9 Wukuyikotola nankuunyi yachikuñu,+

Nawa wukuyichika neyi chizanda.”+

10 Ichi dinu, enu anyanta, mwekeshenu kashinshi;

Itejenu kufumba,* enu ansompeshi ahamaseki.

11 Mukalakelenu Yehova nawoma,

Nawa zañalalenu nakuzaala.

12 Mulemeshenu* mwana,+ neyi nehi Nzambi* wukuzuwa

Nawa mukujilumukila munjila,+

Muloña kuzuwa Kwindi kwabutukaña swayi.