Kuhituluka
33 Dichi, iji diji nkisu Mosi muntu waNzambi walala jakiswililiyi aIsarela henohu kanda afwi.+ 2 Wahosheli nindi:
“Yehova wenjili kufuma kuSinayi,+
Nawa wayitooñekeleli kufuma kuSeyiri.
Watooñekeli mukulema kufuma kwiluña damapidi daParani,+
Wadiña namazaza* awañelu jindi ajila,+
Kuchikasa chindi chachidiilu kwadiña amashidika indi.+
5 Nawa Nzambi wekalili mwanta muYeshuruni,*+
Hampinji yapompeli anlomboli* jawantu hamu,+
Nanyichidi yejima yaIsarela.+
7 Nawa Yuda wamukiswilili iji nkisu nindi:+
“Eyi Yehova, tiyililaku kwizu daYuda,+
Nawa mufuntishi kudi antu jindi.
8 Hadi Levi wahosheli nindi:+
Iwazuñili nindi kumenji akuMeriba,+
9 Muntu walejeli tata yindi nimama yindi nindi, ‘Hinayilemeshaku.’
Hela amanakwindi hayishili maanaku,+
Nawa wadiwili anyanindi awamayala akudivwalila
Muloña ahembeli izu deyi.
Nawa ahembeli chitiyañenu cheyi.+
Alambuli insensi kulonda yipuki ivumba dadiwahi kudi eyi*+
Nawa alambuli mulambu wamukuma hakameña keyi.+
11 Eyi Yehova, kiswilaku ñovu jindi,
Nawa tiyaku kuwaha mudimu wamakasa indi.
Chikaku nyendu* yawantu ejima amunyamukilaña,
Kulonda antu amuhela akabuli kumunyamukila cheñi.”
12 Hadi Benjamini wahosheli nindi:+
“Muntu akeñawu kudi Yehova ashakami nindi mukuwunda;
Hakamubutañayi mwaana wejima,
Wakashakama hakachi kamafwiji indi.”
13 Hadi Yosefu wahosheli nindi:+
“Ituña dindi adikiswili kudi Yehova+
Nayuma yayiwahi yamwiwulu,
Nawuumi ninamenji amutuseloki twahamaseki,+
14 Nayuma yayiwahi yakulaña netena
Niyuma yayiwahi yasoñaña hakakweji-hakakweji,+
15 Nayuma yayiwahi chikupu yakumapidi ahaya nyaaka*+
Niyuma yayiwahi yakutupidi twahaya nyaaka,
16 Nayuma yayiwahi yahamaseki niyuma yenzalahu,+
Nikumutiya kuwaha kudi Owu washakamini muchiputa chanyiña.+
Jakekali hamutu waYosefu,
Hachibañula chakumutu wamuntu anafumishiwu hadi amanakwindi.+
17 Lubanji lwindi ludi neyi lwawedi wachizamba chañombi,
Nawa nseñu jindi hinseñu jeboñu dañombi.*
Wakashinjika* antu naniji nseñu
Ejima wawu kushika kunsa jeseki.
Himakumi amakombakaji aEfuremu,+
Nawa himakombakaji aManasi.”
18 Hadi Zebuluni wahosheli nindi:+
“Eyi Zebuluni, zañalalaku chiwukuyaña mumatuña munyidimu yeyi yakuselujola,
Nawa eyi Isakari, zañalalaku mumatenti eyi.+
19 Akatambika antu kumpidi.
Kwenoku akalambula nyilambu yakuloña.
Muloña wena akada* maheta amavulu amutuluñalwiji
Niyuma yalema yaswama yamuwusekulula.”
20 Hadi Gadi wahosheli nindi:+
“Wakiswilewa yowu muntu watoheshaña ñinza jaGadi.+
Wakaamaña kwenoku neyi mutupa,
Wunadiloñeshi kutabula chikasa, eña, lubwidi.
21 Wakaditondelahu yomweni iseka datachi,+
Muloña kwenoku dikwahembelañawu iseka damukakuhana nshimbi.+
Anlomboli* jawantu akapompa hamu.
Wakamwekesha kuloña kwaYehova,
Nimwaya mazu indi awunsompeshi kudi Isarela.”
22 Hadi Dani wahosheli nindi:+
“Dani himwana kamutupa.+
Wakakiloka kufuma kuBashani.”+
23 Hadi Nafitali wahosheli nindi:+
“Nafitali nekuti nakumutiya kuwaha
Nawa nenzali nankisu jaYehova.
Hetaku kabeta kakumujika nikakuchidiilu.”
24 Hadi Asheri wahosheli nindi:+
Asheri akiswilewi kuhitila mukuvwala anyana awamayala.
Amanakwindi amutiyi kuwaha,
Nawa atumpiki* nyendu yindi mumanji.
25 Nyikomenu yakuchiisu cheyi yakekala yachikuñu niwuneñu,+
Nawa wakekala wakiñewa mafuku eyi ejima.*
26 Kwosi niwumu wesekana naNzambi walala+ waYeshuruniku,+
Wendaña mwiwulu kulonda akukwashi
Nawa wendelaña mumavu muwukeleñi windi.+
28 Isarela wakashakama mukuwunda,
Nawa kaseloki kaYakoba kakekala kwakankawaku
Mwituña mudi tidiku nivinyu yayiha,+
Dikweti iwulu dasotokaña wuumi.+
29 Eyi Isarela, wukweti muzañalu!+