Masamu

26 Nsompeshi, eyi Yehova, muloña natwalekihu kwenda mukashinshi kami;+

Natwalekuhu kukuhwelela mudi Yehova chakadi kutedañila.+

 2 Nshinshiki, eyi Yehova, nawa ñeseki;

Tookeshaku yitoñojoka yami yayeni yamukachi* nimuchima wami.+

 3 Muloña mpinji yejima kukeña kweyi kwakashinshi kwekalaña hambidi yami,

Nawa nendaña muchalala cheyi.+

 4 Hinadikundaña* nawantu adimbanañaku,+

Nawa natondolwelaña antu adiswekaña chekalawu.*

 5 Nahela kwendela hamu nawakanshidi,+

Nawa nahela kudikunda* nawantu atama.+

 6 Nukwisuka kumakasa ami mukubula muloña,

Nawa nukwendujola nakunyeñumoka kameña keyi, eyi Yehova,

 7 Kulonda kuletesha chivumina chakulomba kwakusakilila chitiyakani+

Nikushimuna nyidimu yeyi yejima yakuhayamisha.

 8 Yehova, nakeña itala deyi muwashakamaña,+

Mwiluña mwashakamaña kulema kweyi.+

 9 Bayi wunkombela* hamu nawakanshidi+

Hela kujahila wumi wami hamu nawakamadombuku,*

10 Owu akweti makasa akoñaña yuma yansonyi,

Nawa muchikasa chawu chachidiilu munenzali maseleka.

12 Mwendu wami wunemani heseki desekana;+

Nukumushimeka Yehova muchipompelu cheneni.*+