Masamu

Ami nahwidili* muloña wakukufwila

Mwisaña dooma nawa dominina, dabula menji.+

 2 Dichi natali kudi eyi mwiluña dajila;

Namoni ñovu jeyi nikulema kweyi.+

 3 Muloña kukeña kweyi kwakashinshi kwakuwahi kubadika wumi,+

Nyivumbu yamami aweni yikukulemesha.+

 4 Dichi nukukushimekaña muwumi wami wejima;

Mwijina deyi dimu munukunyamwina makasa ami.

 5 Nekuti iseka dabadika nawa dadiwahi chikupu,

Dichi kanwa kami kakukushimekaña namuzañalu kunyivumbu yami.+

 6 Nakwanukaña neyi nidi hakadidi kami;

Natoñojokaña chikupu hadi eyi hayilu yawufuku.+

 7 Muloña yeyi nkwashi yami,+

Nawa nadikuwaña namuzañalu muwulelu wampuula jeyi.+

 8 Nalamataña* kudi eyi;

Chikasa cheyi chachidiilu chankwataña chikupu.+

 9 Ilaña antu akeñaña kujilumuna wumi wami*

Akakunkumukila kwishina deseki.

10 Akayihana kuñovu yampoku yakabali;

Akekala yakuda yawanyumbu.

Muntu wejima wunakusanyikila mudi Yena wakazañalala,*

Muloña tunwa twawantu anakutwamba akatumwenesha.