Yishimu

18 Muntu wejima wadaambulaña wafwilaña kuditiyisha yomweni kuwaha;

Wakaanaña* maana alala ejima.

 2 Chisupi hatiyaña kuwaha nakashinshiku;

Ilaña yena wukufuukulahu kwidisha yidi mumuchima windi.+

 3 Neyi muntu watama nenzi, kusawuka nikwena kwamulondelaña,

Nawa kubula kulemeshewa kwendelaña hamu nansonyi.+

 5 Kumwekesha chaambu kudi muntu watama kwakuwahi wanyi+

Hela kumuheñeshela muntu waloña wuñanji.+

 6 Nhoshelu yachisupi yaletaña kubobola,+

Nawa kanwa kindi kadiletelaña yikoti.+

 7 Kanwa kachisupi kamujilumwishaña yomweni,+

Nawa nyivumbu yindi himuhetu wawumi windi.

 8 Mazu amukakutwamba adi neyi yakuda yayiwahi;*+

Ayiminyaña nakuya mwivumu mwamweni.+

 9 Muntu wejima wakatala hamudimu windi

Himana kwanowu wakojejaña kujilumuka.+

11 Maheta amuntu waheta himusumba windi wakiñewa;

Adi neyi mbañu yakiñewa mukufwikija kwindi.+

12 Muchima wamuntu wadinyamuna wakojejaña kudimbuka,+

Nawa kudizoza kwaletaña kulema.+

13 Neyi muntu aakula henohu kanda atiyi wunsahu,

Chamukojejaña kusupa nikusawuka.+

14 Spiritu yamuntu yinateli kumukwasha muyikatu,+

Ilaña hinyi wunateli kuumika naspiritu yachikeka?*+

15 Muchima wamuntu wukweti kashinshi wahetaña kwiluka,+

Nawa itu damukamaana dafwilaña kuwana kwiluka.

16 Chawaana chikwetiyi muntu chamushinkwilaña njila;+

Chamuleteshaña kudiluka nawantu alema.

17 Muntu wasambilaña kulumbulula muloña windi wamwekanaña neyi waloña,+

Sampu mukwawu nenzi nakumwihula malwihu.*+

18 Kusakula nayinjikijilu kwamanishaña ntaadi+

Nawa kwamanishaña kukala hakachi* kawakañovu.

19 Kuwundisha mana kwamuntu anahilishiwu kwakala kubadika kutambula musumba wudi mumpwembu,+

Nawa kwekala yikonkojola yidi neyi nyikomenu yakola.+

20 Yuma yahoshañayi muntu, yikaletesha ivumu dindi kwikuta;+

Wakekuta nayuma yedishaña nyivumbu yindi.

21 Kufwa niwumi jidi muñovu yedimi;+

Ana akeña kudizatisha akada nyikaabu yadu.+

22 Muntu wunawani mumbanda wamuwahi nawani chuma chachiwahi,+

Nawa watambwilaña wuselewa waYehova.+

23 Kazweñi walembaña neyi nakuhosha,

Ilaña samaheta waakulaña nakuzuwa.

24 Kudi amabwambu afwilaña kudichika wumu namukwawu,+

Ilaña kudi ibwambu damuntu wadikundaña namukwawu kubadika manakwindi.+