Yashimwiniyi Luka
3 Muchaaka chamu 15 chachiyuulu chaTiberusi Kesari, hadiñayi Pontusi Pilatu nguvulu waYudeya, Herodi*+ wadiña nyuuli wankambi yaÑaliliya, manakwindi Fwilipu wadiña nyuuli wankambi yaItureya niTarakonita nawa Lisaniyasi wadiña nyuuli waAbileni, 2 mumafuku aKayafwasi+ niamukulumpi wawatupristu Anasi, izu daNzambi denjili kudi Yowanu+ mwana kaZekariya mwisaña.+
3 Dichi wayili munyikala yejima yamuYodani, nakushimwina nsañu yachipapatishu nakwikala chinjikijilu chakumwekesha nawu muntu nabalumuki mumuchima kulonda amwanakeni nshidi jindi,+ 4 neyi chasonekawu mumukanda wakaprofwetu Isaya nawu: “Kudi izu damuntu wunakubidika mwisaña nindi: ‘Loñeshenu njila yaYehova!* Ololenu nyikwakwa yindi.+ 5 Yinekineki yejima atela kuyishikila namaseki, nawa mpidi jejima nitupidi twejima atela kutushikumuna; njila jakonda atela kujolola, njila jamankulokela atela kujiwahisha; 6 nawa antu ejima akamona wamwinu waNzambi.’”*+
7 Yowanu watachikili kuleja mazaza awantu enjileña kulonda ayipapatishi kudi yena nindi: “Enu anyana katubandayuula, hinyi wunayisoñamishi nindi mutemuki kuzuwa kunakwinza?+ 8 Dichi, soñenu nyikaabu yinakumwekesha nawu munabalumuki munyichima. Bayi mutachika kuhosha nenu, ‘Tukweti tata yetu Abarahamaku.’ Muloña inakuyileja nami Nzambi nateli kumufumishila Abarahama anyana munawa malola. 9 Chalala, chizembi chidi dehi kunyiji yanyitondu. Dichi, mutondu wejima wabulaña kusoña nyikaabu yayiwahi akawutema nakuwunatila mukesi.”+
10 Nawa mazaza awantu amwihwileña nawu: “Hanu dinu, chumanyi chitwatela kwila?” 11 Wayakwileña nindi: “Muntu wukweti yakuvwala yiyedi,* amwinkihu wunabuli nawa wukweti yakuda niyena amwinkihu wunabuli.”+ 12 Akakutambula nyisonku niwena enjili nakuyipapatisha,+ dichi amwihwili nawu: “Ntañishi, chumanyi chitwatela kwila?” 13 Wayakwili nindi: “Bayi mutambulaña nyisonku yinabadiki hayatoñolawuku.”+ 14 Mashidika niwena amwihwileña nawu: “Chumanyi chitwatela kwila?” Wayakwileña nindi: “Bayi mukabisha* muntu hela kwinka muntu muloña wakutwambaku,+ ilaña zañalalenuña nawufwetu wenu.”
15 Chineli antu adiña nakutalila Kristu, ejima wawu atachikili kutoñojoka munyichima yawu hadi Yowanu nawu, “Iwu dinu diyi Kristu, tahindi?”+ 16 Yowanu wayakwili ejima wawu nindi: “Ami, nayipapatishaña namenji, ilaña wukweti wuswa chikupu kubadika ami nakwinza nawa ami nashikilimu wanyi kukasununa nyiya yankwabilu jindi.+ Yena wakayipapatisha naspiritu yajila ninakesi.+ 17 Fosholu yindi yakupepa nachu* yidi muchikasa chindi kulonda yatookeshi chikupu heluña hakuhulila nikupompesha tidiku munkalaña yindi, ilaña wakwocha muzuñu nakesi kakubula kutwesha kujima.”
18 Wahosheli cheñi mazu amakwawu akukolesha nawa watwalekelihu kushimwina nsañu yayiwahi kudi antu. 19 Dichi Herodi nyuuli wankambi, muloña wakumuhoshamu kudi Yowanu hamuloña waHerodiya ñoda manakwindi nihayuma yatama yejima yakoñeliyi Herodi, 20 wakoñelelihu cheñi chumichi chikwawu: Wamushili Yowanu mukaleya.+
21 Chelili antu ejima anapapatishewi dehi, Yesu niyena amupapatishili.+ Chalombeleñayi, iwulu denzunukili,+ 22 nawa spiritu yajila yamwekeneña neyi kapompa* yenjili nakuwila hadi yena, mwiwulu mwafumini izu nawu: “Yeyi Mwanami, inakeña; inatiyaña kuwaha.”+
23 Yesu+ chatachikiliyi mudimu windi, wadiña nayaaka 30,+ wadiña mwana kaYosefu neyi chamwilukiliwu antu,
Yosefu,+
mwana kaHeli,
24 mwana kaMatati,
mwana kaLevi,
mwana kaMeliki,
mwana kaYanayi,
mwana kaYosefu,
25 mwana kaMatatiyasi,
mwana kaAmosa,
mwana kaNahumi,
mwana kaEseli,
mwana kaNañayi,
26 mwana kaMayata,
mwana kaMatatiyasi,
mwana kaSemeni,
mwana kaYoseki,
mwana kaYoda,
27 mwana kaYowanani,
mwana kaResa,
mwana kaZerubabeli,+
mwana kaSheyalitiyeli,+
mwana kaNeri,
28 mwana kaMeliki,
mwana kaAdi,
mwana kaKosamu,
mwana kaElimadama,
mwana kaEri,
29 mwana kaYesu,
mwana kaEliyezeri,
mwana kaYorimi,
mwana kaMatati,
mwana kaLevi,
30 mwana kaSimeyona,
mwana kaYudasi,
mwana kaYosefu,
mwana kaYonama,
mwana kaEliyakimu,
31 mwana kaMeleya,
mwana kaMena,
mwana kaMatata,
mwana kaNatani,+
mwana kaDavidi,+
mwana kaObedi,+
mwana kaBowazi,+
mwana kaSalimoni,+
mwana kaNashoni,+
33 mwana kaAminadabi,
mwana kaArama (Ani),
mwana kaHezeroni,
mwana kaPerezi,+
mwana kaYuda,+
mwana kaIsaka,+
mwana kaAbarahama,+
mwana kaTera,+
mwana kaNahori,+
mwana kaRewu,+
mwana kaPeleka,+
mwana kaEberi,+
mwana kaShela,+
36 mwana kaKanani,
mwana kaArapakishadi,+
mwana kaShemi,+
mwana kaNowa,+
mwana kaLameki,+
mwana kaEnoki,
mwana kaYaredi,+
mwana kaMahaleli,+
mwana kaKanani,+
mwana kaSeti,+
mwana kaAdama,+
mwana kaNzambi.