Masamu

85 Wunatiyili ituña deyi luwi, eyi Yehova;+

Wafuntishili antu jaYakoba atwaliliwu muwunkoli.+

 2 Wunanakeni yiluwa yawantu jeyi;

Wayanakeneni* nshidi jawu jejima.+ (Sela)

 3 Wakañesheli kuzuwa kweyi kwejima;

Walekeli kuzuwa kweyi kwasweja.+

 4 Tufuntishi cheñi,* eyi Nzambi yawamwinu,

Nawa lekaku kutuhilila.+

 6 Komana wukutwinka cheñi ñovu wanyi

Kulonda antu jeyi azañaleli mudi eyi?+

 7 Tumwekesheli kukeña kweyi kwakashinshi, eyi Yehova,+

Nawa twinki wamwinu weyi.

 8 Nukutiyilila chikuhoshayi Yehova Nzambi walala,

Muloña wukuhosha kuwunda kudi antu jindi,+ kudi antu jindi ashinshika,

Ilaña bayi atachika cheñi kudishindamenaku.+

 9 Chalala wamwinu windi wudi kwakwihi nawantu amutiyaña woma,+

Kulonda kulema kwindi kushakami mwituña detu.

10 Kukeña kwakashinshi nikushinshika jakabulakana;

Kuloña nikuwunda jakadifufwa.+

11 Kushinshika kwakatutuka* heseki,

Nawa kuloña kwakatala mwishina kufuma mumawulu.+

12 Eña, Yehova wakahana yuma yayiwahi,+

Nawa ituña detu dakedisha mbutu yadu.+

13 Kuloña kwakendelaña hambidi yindi+

Nakumupulila njila mwakudata nyendu yindi.