Kuchinda
24 Balami chamweniyi nindi chinamutiyishi Yehova kuwaha kumukiswila Isarela, hayili cheñi nakukeñakeña ñombu jaletaña kukalaku,+ ilaña wabalumukili nakutalisha mwisaña. 2 Balami chafumbwiliyi mesu indi wamweni Isarela nateeki kwesekeja nanyichidi yindi,+ spiritu yaNzambi yenjili hadi Balami.+ 3 Kufumahu, watili ichi chishimu nindi:+
“Mazu aBalami mwana kaBeyori,
Nawa mazu eyala anatoneshiwu mesu,
4 Mazu amuntu watiyaña izu daNzambi,
Muntu wamweni chimwenu chaWañovu Jejima,
Owu wanoñamini iku nakutona:+
5 Eyi Yakoba, ochiyawaha matenti eyi,
Eyi Isarela,+ ochiyawaha matabanaka eyi!
6 Ashika kwakulehi nankashi+ neyi yinekineki,*
Neyi matempa adi kukaloña,
Neyi nyitondu yashilambwe yatumbayi Yehova,
Neyi nyitondu yanyisida yidi kukaloña.
8 Nzambi nakumufumisha muEjipitu;
Wudi neyi nseñu jeboñu dañombi.*
Wakada akanyunza, ayilumbu jindi,+
Nimafwaha awu wakayibokota, nawa wakayichika nansewu jindi.
9 Nabatami, nakaami heseki neyi mutupa,
Kufwana mutupa, hinyi wukumusañumuna?
Antu anakukukiswila, akiswilewa,
Nawa antu anakukushiña, ashiñewa.”+
10 Kuhiñahu, Balaki wamuhililili Balami nankashi. Balaki wasakilili mumakasa indi nakusupisha nawa wamwilili Balami nindi: “Nakutambikili kulonda wunshiñili ayilumbu jami,+ ilaña eyi wunayikiswili aka kapampa kasatu. 11 Dichi yaña kwenu chochichi. Nafwilaña kukulemesha nankashi,+ ilaña talaña, Yehova nakukañeshi kutambwila iku kulema.”
12 Balami wamwilili Balaki nindi: “Komana nayilejeli wanyi antemesha iwatemesheli nami, 13 ‘Hela neyi Balaki wadi kunyinka itala dindi denzala to-o nasiliva niwuru, hinadi kutwesha kukoña chuma chidi chejima chinnakukeña* hela chachiwahi hela chatama chakubadika hanshimbi jaYehovaku? Nayilejeli cheñi wanyi nami nakahosha hohu mazu akanlejayi Yehova’?+ 14 Nawa ichi dinu hinukuya kudi antu jami. Twaya nukuleji chuma chakayilawu antu jeyi kumbidi* kudi awa antu.” 15 Dichi watili ichi chishimu nindi:+
“Mazu aBalami mwana kaBeyori,
Nawa mazu eyala anatoneshiwu mesu,+
16 Mazu amuntu watiyaña izu daNzambi,
Nawa muntu wukweti maana aMukakubadika Chikupu,
Muntu wamweni chimwenu chaWañovu Jejima,
Owu wanoñamini iku nakutona:
17 Nakamumona, bayi hayinu mpinjiku;
Nakamumona, bayi katatakaku.
Nawa chakadi nikujina, wakachika ihama daMowabi*+
Nikubalola tuwekesi twawanyana awamayala ejima aletaña yikonkojola.
18 Nawa Edomi wakekala iheta+ dindi,
Chalala, Seyiri+ wakekala iheta dawayilumbu jindi,+
Iku Isarela nakumwekesha kuhamuka.
19 Mudi Yakoba dimwakafuma muntu wakashinda,+
Nawa wakajilumuna chipuluka wejima wakashala mumusumba.”
20 Chamumweniyi Amaleki, watwalekelihu nachishimu chindi nindi:
21 Chamweniyi aKeni,+ watwalekelihu nachishimu chindi nindi:
“Iluña muwashakamaña dakiñewa, nawa washakamaña mwilola.
22 Ilaña kwakekala muntu wakwocha Kayini.
Hanu mpinjinyi yikuhitahu hakwila Asiriya akutwali muwunkoli?”
23 Nawa watwalekelihu nachishimu chindi nindi:
“Yayo-o! Hinyi wakapuluka hakakoñayi Nzambi chumichi?
Ilaña niyena akamujilumuna chikupu.”
25 Kuhiñahu, Balami+ wanyamukili nakufunta kumukala wawu. Balaki niyena wayili kwindi.