Masamu

65 Eyi Nzambi, akakushimeka haMpidi yaZiyona;+

Twakela mutwasanyikili kudi eyi.+

 3 Yiluwa yami yinambadiki ñovu,+

Ilaña eyi wabutaña hanshidi jetu.+

 4 Wudi namuzañalu yowu muntu iwunatondi nikumuleta

Kulonda ashakami mumalubanza eyi.+

Twakekuta nakuwaha kwamwitala deyi,+

Tembeli yeyi yajila.*+

 5 Wakatwakula nanyidimu yakuhayamisha+ yakuloña,

Eyi Nzambi yawamwinu wetu;

Yeyi Ashindamenawu kudi antu aheseki dejima+

Niadi kwakulehi kwishinadi dakaluñalwiji.

 6 Eyi* washimatishili mapidi nañovu jeyi;

Eyi* wavwala ñovu.+

 7 Eyi* wawundishaña tuluñalwiji tunakubwankañila,+

Wawundishaña mankanda atu anakudihuma nimapumba anyuza.+

 8 Antu ashakamaña kumaluña akwakulehi akahayama nayinjikijilu yeyi;+

Wakakojeja antu ashakamaña kwaselelaña itena nikwahuminaña itena kudikuwa namuzañalu.

 9 Eyi wakamenaña iseki,

Nakudiletesha disoñeña* nankashi nikwikala nawushi.+

Kaloña kafuma kudi Nzambi kenzala namenji;

Eyi wayinkaña mbutu,+

Muloña ichi dichiwaloñesheli iseki.

10 Wazoweshaña nyindoñolu yadu nikwesekeja nyihaña yadu;

Wadovwahishaña nanvula yanokaña; nawa wakiswilaña yuma yamenañahu.+

11 Chaaka wachivwikaña chibañula chakuwaha kweyi;

Njila jiwendañamu jenzala nakuwaha.*+

12 Munyenvu wamwisaña watwalekañahu kusumpoka,*+

Nawa tupidi atuvwika kuzañalala.+

13 Maluña akudiishilamu yimuna enzala nayimuna,

Nawa yinekineki ayaala nambutu.+