Kamina. Isamu daAsafi.+
83 Eyi Nzambi, bayi wumwenaku;+
Bayi wumwena hela kwimana hohuku, eyi Nzambi.
2 Talaña! Ayilumbu jeyi anakuleta ipumba;+
Ana akuhela adivwimbaña.
3 Akasilaña antu jeyi kafuta mukuswamujoka;
Akasilaña antu jeyi iwalemesha kafuta.
4 Ahoshaña nawu: “Twayenu, tujilumuni muza wejima,+
Kulonda ijina daIsarela akabuli kudanuka cheñi.”
5 Akasilaña hamu kafuta;
Anakwati chitiyañenu kulonda akwimakeni+
6 Dikwila nawu matenti awaEdomi niawaIshimayeli, awaMowabi+ niawaHagiri,+
7 AwaGebali, awaAmoni+ niawaAmaleki,
AwaFilisitiya+ hamu nawantu ashakamaña muTira.+
8 Asiriya+ niyena nadinuñi nawu;
Akwashaña anyana kaLoti.+ (Sela)
9 Yili neyi chiwamwilili Midiyani,+
Neyi chiwamwilili Sisera niYabini kukaloña Kishoni.+
10 Ayijilumwinini kuEndori;+
Ekalili wushi wahamaseki.
11 Ilishaku ayilolu jawu ekali neyi Orebi niZeyebi+
Niatulamba twawu neyi Zeba niZalimuna,+
12 Muloña ahosheli nawu: “Tutambulenu ituña mwashakamañayi Nzambi.”
13 Eyi Nzambi yami, yilishi ekali neyi izandazanda dinakuleluka,+
Neyi matahu oma anakulelulawu kudi mpepela.
14 Neyi kesi kwochaña ivunda,
Neyi muzuzu wakesi wochaña mapidi,+
15 Dichi yikumpishi nachinjimbi cheyi+
Nawa yitiyishi woma nampepela yeyi yeneni.+
16 Yibuti kumesu nakusawuka,
Kulonda akeñakeñi ijina deyi, eyi Yehova.
17 Ayitiyishi nsonyi nikuyifwisha mutentu haya nyaaka;
Ayisawuli nikuyijilumuna;
18 Antu eluki nawu eyi, eyi wukweti ijina daYehova,+
Yeyi nkaweyi hohu Mukakubadika Chikupu heseki dejima.+