Yoshuwa
13 Yoshuwa wakulili nawa washinakajili.+ Dichi Yehova wamulejeli nindi: “Wunakuli dehi nawa wunashinakaji; hela chochu, ituña dimwatela kutambula* dichidi deneni nankashi. 2 Idi didi ituña dinashaliku:+ maluña ejima awaFilisitinu nimaluña ejima awaGeshuri+ 3 (kufuma hasañila Nile* kumusela waEjipitu* kushika kuñinza yaEkironi kukabeta kakuchimunswa, musumba welukiliwu kunyima nawu hiiluña dawaKenani)+ kushilahu nimaluña awanyanta atanu awaFilisitinu,+ dikwila nawu aGaza, aAshidodi,+ aAshikeloni,+ aGati+ niaEkironi;+ iluña dawaAvi+ 4 kukabeta kakuchidiilu; ituña dejima dawaKenani; iluña daMeyara dawaSidoni+ ndo-o nikuAfeki, kuñinza yawaAmori; 5 ituña dejima dawaGebali+ niLebanoni yejima kumusela, kufuma kuBayali Gadi kwishina daMpidi yaHerimoni kushika nikuLebo Hamati;*+ 6 antu ejima ashakamaña mwiluña damapidi kufuma kuLebanoni+ kushika kuMiserefwoti Mayimi;+ niaSidoni+ ejima. Nakayitemuna* kudi aIsarela.+ Idi ituña wakadihani hohu kudi aIsarela dakekali iheta dawu neyi chinakulejeli.+ 7 Dichi idi ituña watela kwanzañena nyichidi 9 nichibalu chamuchidi waManasi+ diikali wuswana wawu.”
8 Hakwila muchidi wachibalu wukwawu, aRubeni niaGadi atambwilili wuswana wawu wayinkeliwu kudi Mosi kukabadi kamusela waYodani neyi chayinkeliyi Mosi kambuña aYehova:+ 9 kufuma kuAroyeri,+ musumba wekala kunsa yaChinekineki chaArinoni*+ nimusumba wekala hakachi kachinekineki niiluña dejima dazandama nawa desekana daMedeba kushika nikuDiboni; 10 ninyisumba yejima yaMwanta Sihoni wawaAmori, wayuulili muHeshiboni kushika nikuñinza yawaAmoni;+ 11 niGiliyadi niiluña dawaGeshuri niaMayakati+ niMpidi yejima yaHerimoni niBashani+ yejima kushika nikuSaleka;+ 12 nimwahita wanta waOgi wejima muBashani, wayuulileña muAshitaroti nimuEdireyi. (Yeniwu diyi wadiña wakukumishaku hadi aRefa.)+ Mosi wayishindili nawa wayitemwinimu.*+ 13 Ilaña aIsarela hiyatemwinimu+ aGeshuri niaMayakatiku, muloña antu jaGeshuri niaMayakati ashakamaña hakachi kaIsarela kushika nikulelu.
14 Muchidi wawaLevi hohu diwu wabulili kwinkayi wuswana.+ Nyilambu yakwocha hakesi yakumulambula Yehova Nzambi yaIsarela diyadiña wuswana wawu+ neyi chayikaniniyi.+
15 Kuhiñahu, Mosi wenkeli muchidi wawaRubeni wuswana kwesekeja nayisaka yawu, 16 nawa iluña dawu dafumini kuAroyeri, musumba wekala kunsa yaChinekineki chaArinoni* nimusumba wudi mukachi kachinekineki niiluña dejima dazandama nawa desekana daMedeba, 17 Heshiboni nimatawuni* awu ejima+ adiña heluña dazandama nawa desekana, Diboni, Bamoti Bayali, Betibayali Meyoni,+ 18 Yahazi,+ Kedemoti,+ Mefayati,+ 19 Kiriyatayimi, Sibima+ niZeretishahari yadiña hampidi yamuchinekineki, 20 Betipeyori, nyikunkumuki yaPisiga,+ Betiyeshimoti,+ 21 nyisumba yejima yeluña dazandama nawa desekana nimwahita wanta wejima waSihoni Mwanta wawaAmori wayuulileña muHeshiboni.+ Mosi wamushindili+ nianyanta awaMidiyani, Evi, Rekemi, Zuri, Huri niReba,+ ayilolu* aSihoni ashakamineña mwituña. 22 Balami+ mwana kaBeyori, mukakuhoña,+ diyi ajahiliwu kudi aIsarela nampoku yakabali hamu nawantu amakwawu ajahiliwu. 23 Ñinza yawaRubeni yadiña Yodani; nawa idi iluña didadiña wuswana wawaRubeni kwesekeja nayisaka yawu, hamu nanyisumba ninyikala yayu mwashakamineñawu.
24 Kubombelahu, Mosi wenkeli muchidi waGadi wuswana, aGadi kwesekeja nayisaka yawu, 25 nawa iluña dawu dabombelelimu Yazeri+ ninyisumba yejima nichibalu chetuña dawaAmoni+ kushika nikuAroyeri, yatalañana naAraba;+ 26 nawa kufuma kuHeshiboni+ kushika kuRamati Mizipe nikuBetonimi nawa kufuma kuMahanayimi+ kushika kuñinza yaDebiri. 27 Nawa muchinekineki ayinkeli, Betiharani, Betinimira,+ Sukoti+ niZafoni, mwahita wanta wejima waSihoni Mwanta wakuHeshiboni.+ Yodani diyi yadiña ñinza yawu kufuma kunsa yaKaluñalwiji kaKinereti*+ kukabadi kamusela waYodani. 28 Iwu diwadiña wuswana wawaGadi kwesekeja nayisaka yawu, hamu nanyisumba ninyikala yayu mwashakamineñawu.
29 Kubombelahu, Mosi wenkeli chibalu chamuchidi waManasi wuswana, wenkeli muchidi wachibalu waManasi kwesekeja nayisaka yawu.+ 30 Nawa iluña dawu datachikilili kuMahanayimi+ kushilahu niBashani yejima, mwahitili wanta wejima waOgi Mwanta wakuBashani ninyikala yejima yamatenti yaYayiri+ muBashani, jejima hamu jadiña matawuni* 60. 31 Chibalu chaGiliyadi niAshitaroti niEdireyi,+ nyisumba yamuwanta wejima waOgi muBashani, ayihanini kudi anyana kaMakiri+ awamayala, Makiri mwana kaManasi, ayihanini kuchibalu chawanyana kaMakiri awamayala kwesekeja nayisaka yawu.
32 Iwu wejima diwadiña wuswana wayinkeliwu kudi Mosi muyana yachinkalampata yamuMowabi kubadika Yodani, kumusela waYeriku.+
33 Ilaña muchidi wawaLevi, Mosi hawinkeli wuswanaku.+ Yehova Nzambi yaIsarela diyi wuswana wawu neyi chayikaniniyi.+