Yishimu

12 Muntu wakeña kubabesha wakeña kwiluka,+

Ilaña muntu wahela kuzuwila hakweti maanaku.+

 2 Muntu wamuwahi amutiyaña kuwaha kudi Yehova,

Ilaña Yena wadiwulaña muntu wakwataña tufuta twatama.+

 3 Kwosi muntu wakiñewaña nakutamaku,+

Ilaña waloña hiyakamubwitaku.

 4 Mumbanda watelela hichibañula kudi nfumwindi,+

Ilaña mumbanda welaña yuma yansonyi wudi neyi kutoka mumafwaha indi.+

 5 Yitoñojoka yamukakuloña yoloka,

Ilaña wunlomboli wamuntu watama hikudimbana.

 6 Mazu amuntu watama hikubelamena kwafwana,*+

Ilaña kanwa kawantu oloka kayamwinaña.+

 7 Neyi antu atama anayimiki mushindu, ajiyaña,

Ilaña itala damuntu waloña dakatwalekahu.+

 8 Iyala amuhamekaña hakashinshi kamukanwa kindi,+

Ilaña muntu wukweti muchima watama akamusawula.+

 9 Chachiwahi kukulemesha chanti ilaña wikala nañamba

Kubadika kudilemesha ilaña kwikala nayakuda*+ nehi.

10 Muntu waloña wahembaña chiwahi yimuna yindi,*+

Ilaña niluwi lwamuntu watama hiwukatu.

11 Muntu wadimaña mpata yindi wakekuta nayakuda,+

Ilaña muntu wafwilaña yuma yamukunkulwayi hakweti maanaku.*

12 Muntu watama watiyilaña lwisu yuma yinalawuliwu akwawu atama,

Ilaña muji wamuntu waloña wasoñaña nyikaabu.

13 Muntu watama wafwaña munhoshelu yindi yatama,+

Ilaña waloña wapulukaña muyihuñu.

14 Yuma yahoshañayi muntu, yinateli kuletesha yuma kumwendela chiwahi,+

Nawa mudimu wamakasa indi wakamufweta.

15 Njila yachisupi yayiwahi mumesu indi yomweni,+

Ilaña mukamaana wetejaña wukwashu.*+

16 Chisupi wanyakalaña* kuzuwa,+

Ilaña muntu wababala wadiwulaña* matuka.

17 Muntu washimunaña mwakashinshi wakahosha mwalala,

Ilaña chinsahu wakutwamba wahoshaña makudi.

18 Nhoshelu yakutuboka yidi neyi yilonda yampoku yakabali,

Ilaña idimi damukamaana dookaña.+

19 Nyivumbu yahoshaña mwalala yakashakama haya nyaaka,+

Ilaña idimi datwambaña dakashakama kapinji kantesha hohu.+

20 Makudi adi mumuchima wawantu akasaña tufuta twakuleta kukala,

Ilaña ana aletaña* kuwunda adi namuzañalu.+

21 Kwosi chuma chatama chakamushikena muntu waloñaku,+

Ilaña atama akamona kukala kwasweja.+

22 Nyivumbu yatwambaña yawuzondu kudi Yehova,+

Ilaña ana elaña mwakashinshi amutiyishaña kuwaha.

23 Muntu wababala waswekaña yuma yelukayi,

Ilaña muchima wachisupi wedishaña wusupi windi.+

24 Chikasa chamuntu wadikita chakayuula,+

Ilaña makasa azeya akayikalakesha mudimu wawuduñu.+

25 Kwakama kudi mumuchima wamuntu kwazeyeshaña muchima,*+

Ilaña izu dadiwahi dawuzañaleshaña.+

26 Muntu waloña wakeñakeñaña munyenvu windi,

Ilaña njila yawantu atama yayijimbeshaña.

27 Nkopi hazombañaku,+

Ilaña kudikita hiiheta damuntu dalema.

28 Njila yaloña yatwalaña kuwumi,+

Nawa muniyi njila himwekala kufwaku.